ជាតិ
អ្នកទៅលេងកោះទ្រង់នៅខេត្តក្រចេះ អាចជិះកង់ រទេះគោ ឬរទេះសេះតាមជម្រើសខ្លួន ![](https://image.thmeythmey.com/pictures/2020/07/05/front.jpg)
×![]()
ដោយ៖ ជឿន ស្រីណយ
រមណីយដ្ឋានទេសចរណ៍ធម្មជាតិកោះទ្រង់ ដែលមានឆ្នេរខ្សាច់សក្បុស មានទីតាំងស្ថិតនៅកណ្តាលទន្លេមេគង្គ ទល់មុខទីរួមខេត្តក្រចេះទិសខាងលិចប្រមាណ ១គីឡូម៉ែត្រ។ កោះទ្រង់ ជាកោះមួយដែលមានឆ្នេរខ្សាច់សក្បុស អមទៅដោយទឹកទន្លេថ្លាឆ្វង់ និងមានប្រវែងកោះរហូតដល់ ៤.៥គីឡូម៉ែត្រ។ «កោះទ្រង់ក៏ជាតំបន់ទេសចរណ៍ធម្មជាតិមួយដែលទាក់ទាញភ្ញៀវទេសចរជាតិ អន្តរជាតិបានយ៉ាងច្រើនផងដែរក្នុងខេត្តក្រចេះ»។ នេះបើតាមការឲ្យដឹងរបស់លោក ចាន់ សុគន្ធី ប្រធានមន្ទីរទេសចរណ៍ខេត្តក្រចេះ។
នកទេសចរណ៍ដែលទៅ លេងកម្សាន្តនៅសហគមន៍ទេសចរណ៍ធម្មជាតិកោះទ្រង់ អាចជួលកង់ រទេះគោ ឬរទេះសេះ ជិះកម្សាន្តជុំវិញសហគមន៍។
កោះដែលស្ថិតនៅកណ្តាលទន្លេមេគង្គនៃក្នុងខេត្តក្រចេះមួយនេះ បានទាក់ទាញភ្ញៀវទេសចរជាតិ និងអន្តរជាតិ ដោយសារសម្រស់នៃឆ្នេរខ្សាច់សក្បុស វែងអន្លាយ អមជាមួយទឹងទន្លេមេគង្គថ្លាឆ្វង់។
ពេលទៅដល់កោះទ្រង់ ទេសចរអាចជ្រើសរើសមធ្យោបាយដំណើរកម្សាន្តនៅតាមសហគមន៍ តាមរយៈការជួលកង់ជិះ អាចជិះរទេៈគោ ឬរទេះសេះ ។ ភ្ញៀវទេសចរដែលទៅកម្សាន្តនៅទីនោះ អាចបោះតង់នៅលើឆ្នេរខ្សាច់ ជិះទូកកៃយ៉ាក់ ងូតទឹកលេងកម្សាន្ត ជាពិសេសនៅចន្លោះម៉ោង ៤ទៅម៉ោង៥ ល្ងាច នៅពេលថ្ងៃលិចកាន់តែត្រជាក់ ពីព្រោះថ្ងៃលិច នៅទិសខាងលិច ហើយកោះទ្រង់បែរមុខទៅទិសខាងកើត វាប្រៀបដូចជាឆ័ត្រដែលបាំងកម្ដៅព្រះអាទិត្យមិនឲ្យជះមកកាន់កោះទ្រង់មួយនេះ។ នេះបើតាមការបន្ថែមរបស់លោកប្រធានមន្ទីរទេសចរណ៍ខេត្តក្រចេះ។
![](https://image.thmeythmey.com/pictures/2020/07/05/1.jpg)
បើតាមការរៀបរាប់របស់លោក ចាន់ សុគន្ធី កោះទ្រង់ដែលស្ថិតក្នុងសហគមន៍អេកូទេសចរណ៍កោះទ្រង់ បានបង្កើតឡើងក្នុងខែ ឧសភា ឆ្នាំ២០០៨ អាចទទួលបានភ្ញៀវទេសចរមិនក្រោម ២០០០នាក់ទេ នៅក្នុងរដូវចូលឆ្នាំខ្មែរ៕
![](https://image.thmeythmey.com/pictures/2020/07/05/2.jpg)
សម្រាប់ព័ត៌មានទេសចរណ៍ កសិកម្ម និងអាជីវកម្មពីតាមបណ្តារាជធានីខេត្ត សូមចូលទៅកាន់
www.thmeythmey25.com
![](https://image.thmeythmey.com/pictures/2020/07/05/3p.png)
© រក្សាសិទ្ធិដោយ thmeythmey.com