អន្តរជាតិ
ប្រភពរូបថត៖ The Nation
×![]()
ដោយ: ថ្មីៗ
ព្រះមហាក្សត្រថៃព្រះចៅភូមិបុល អាប់ដុលយ៉ាដេត បានសោយទិវង្គតហើយ។ នេះបើយោងតាមសេចក្តីថ្លែងការណ៍របស់រាជវាំងថៃដែលចុះផ្សាយដោយសារព័ត៌មានថៃ The Nation ។ ការប្រកាសពីការសោយទិវង្គតរបស់ព្រះមហាក្សត្រថៃនេះ ធ្វើឡើងមួយថ្ងៃប៉ុណ្ណោះក្រោយមានពាក្យចរចាមអារ៉ាមថាទ្រង់សោយទិវង្គតរបស់ទ្រង់។
ព្រះចៅភូមិបុល អាប់ដុលយ៉ាដេត បានសោយទិវង្គតក្នុងព្រះជន្មាយុ ៨៩ ព្រះវស្សា ហើយទ្រង់ក្លាយជាព្រះមហាក្សត្រដែលកាន់តំណែងយូរជាងគេលើពិភពលោក។ ការប្រកាសព័ត៌មានស្តីពីការសោយទិវង្គតរបស់ព្រះមហាក្សត្រអង្គនេះធ្វើឡើរយៈពេលមួយថ្ងៃប៉ុណ្ណោះក្រោយមានពាក្យចរចាមអារ៉ាមពីការសោយទិវង្គតរបស់ទ្រង់។
ម្សិលមិញនេះដែរហើយគេឃើញមានការជួបជុំគ្នានៃសែរាជ្យវង្សថៃ និងមានការបួងសួងសុំឲ្យព្រះមហាក្សត្រមានព្រះរាជសុខភាពប្រសើរឡើងវិញដែរ។ ទីភ្នាក់ងារព័ត៌មាន Reuters ចុះផ្សាយកាលពីម្សិលមិញថា ព្រះរាជសុខភាពព្រះអង្គជារួមនៅមិនទាន់ត្រឡប់មករកភាពប្រក្រតីវិញឡើយ ហើយសម្ពាធឈាមធ្លាក់ចុះ ហើយទ្រង់ដកដង្ហើមញាប់ខ្លាំងផងដែរ។
ព្រះចៅ ភូមិបុល អាប់ដុលយ៉ាដេត បានប្រសូតនៅឆ្នាំ ១៩២៧ ទីក្រុង Cambridge នៃរដ្ឋ Massachusetts បានឡើងគ្រងរាជ្យនៅឆ្នាំ ១៩៤៦ បន្ទាប់ពីបងប្រុសរបស់ទ្រង់ Ananda Mahidol សោយទិវង្គត៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
