ជាតិ
×![]()
ព្រះសីហនុ៖ ឆ្នេរឯករាជ្យបានក្លាយជាឆ្នេរទាក់ទាញអ្នកទេសចរជាតិ និងអន្តរជាតិបន្ថែមទៀត ក្រោយគណៈកម្មការរៀបចំឆ្នេរបានសាងសង់លំហូរហេដ្ឋារចនាសម្ព័ន្ធធំទូលាយដែលមានទូទឹងផ្លូវពីជាង ២០ម៉ែត្រ ទៅ៣០ ម៉ែត្រអមដោយដើមរុក្ខាតាមបណ្តោយកណ្តាលទ្រូងផ្លូវ។ ដោយឡែក ឃ្លាតពីឆ្នេរសមុទ្រពី ១០ ទៅ ៣០ម៉ែត្រវិញ តាមបណ្តោយឆ្នេរខ្សាច់ភ្លឺផ្លេកសក្បុសដូចកប្បាស មានកៅអីអង្គុយកម្សាន្ត កន្លែងញ៉ាំអាហារ សួនច្បារក្រាលថ្មភ្នំអមរុក្ខាជាតិបៃតង រូបចម្លាក់រចនាប័ទ្មខ្មែរ កន្លែងហាត់ប្រាណ និងកន្លែងចំណតយានយន្តមានសណ្តាប់ធ្នាប់ត្រឹមត្រូវ។
តាមពិតទៅ ឆ្នេរឯករាជ្យ ជាឆ្នេរមួយដែលភ្ញៀវទេសចរពេញនិយមកម្សាន្ត ក្រៅពីឆ្នេរអូរឈើទាល ឆ្នេរអូត្រេះ ស្ថិតក្នុងប្រទេសសមាជិកក្លឹបឆ្នេរសមុទ្រដែលស្អាតជាងគេបំផុតលើសាកលលោក។ ឆ្នេរឯករាជ្យ និងឆ្នេរសមុទ្រកម្ពុជាក្នុងខេត្តទាំង ៤ជាង ៤០០គីឡូម៉ែត្រដទៃទៀត ត្រូវបានប្រសិទ្ធនាមជា ឆ្នេរសមុទ្រដែលស្ថិតក្នុងកម្ពុជាតារារះនៅទិសនិរតី ដែលមានទីក្រុងបៃតង ឆ្នេរស្អាត សមុទ្រខៀវស្រងាត់។
លោក ថោង ខុន រដ្ឋមន្ត្រីក្រសួងទេសចរបានថ្លែងក្នុងពិធីបើកបុណ្យសមុទ្រថ្ងៃទី២៤ ធ្នូនេះថា ខេត្តព្រះសីហនុទទួលបានភ្ញៀវទេសចរអន្តរជាតិ ប្រមាណ ៤០ម៉ឺននាក់ និងភ្ញៀវទេសចរជាតិប្រមាណ ១,១លាននាក់ ក្នុងឆ្នាំ ២០១៦នេះ។ ហើយភ្ញៀវទេសចរអន្តរជាតិនឹងកើនដល់ប្រមាណ ១លាននាក់ និងទេសចរជាតិប្រមាណ ២លាននាក់ នៅឆ្នាំ ២០២០ ។
ដោយឡែកភ្ញៀវទេសចរអន្តរជាតិមកទស្សនាកម្ពុជាទាំងមូលក្នុងឆ្នាំ២០១៦នេះវិញ លោកថ្លែងថា មានចំនួនប្រមាណ ៥លាននាក់ ក្នុងនោះ ភ្ញៀវកម្សាន្តតំបន់ឆ្នេរខេត្តទាំង ៤ មានចំនួនប្រមាណ ៧០ម៉ឺននាក់ មានកំណើន ១១ភាគរយ ដែលរួមចំណែក ១៤ភាគរយ នៃចំនួនទេសចរសរុប។
ឱកាសនេះដែរ លោករដ្ឋមន្ត្រីបានស្រង់របាយការណ៍របស់អង្គការទេសចរណ៍ពិភពលោក (UNWTO) ឆ្នាំ២០១៥ ថ្លែងចេញពីខេត្តស្ថិតក្នុងតំបន់រដ្ឋបាល និងសេដ្ឋកិច្ចពិសេសពហុបំណងរបស់កម្ពុជា ឲ្យដឹងថា ពិភពលោកទាំងមូលបានទទួលទេសចរអន្តរជាតិប្រមាណ ១១៨៤លាននាក់ មានកំណើន ៤,៤ ភាគរយ ក្នុងនោះ ភ្ញៀវទេសចរធ្វើដំណើរកម្សាន្តទៅតំបន់ទេសចរវប្បធម៌ប្រមាណ ៤៧ភាគរយ ឆ្នេរប្រមាណ ២៨ភាគរយ និងតំបន់អេកូទេសចរណ៍ និងតំបន់ផ្សេងៗទៀតមានប្រមាណ ២៥ភាគរយ។
រដ្ឋមន្ត្រីក្រសួងទេសចរូបនេះ ថ្លែងតាមការព្យាករណ៍ថា តំបន់ឆ្នេរសមុទ្រកម្ពុជាអាចនឹងទទួលបានភ្ញៀវទេសចរអន្តរជាតិប្រមាណ ២លាននាក់ និងភ្ញៀវទេសចរជាតិប្រមាណ ៤លាននាក់នៅឆ្នាំ ២០២០ ។
គួរបញ្ជាក់ថា កម្ពុជាបានក្លាយជាសមាជិកក្លឹបឆ្នេរសមុទ្រដែលស្អាតជាងគេបំផុតលើសាកលលោកកាលពីឆ្នាំ ២០១១ ចំណោមសមាជិកមកពី ២៤ប្រទេសដែលមានឆ្នេរស្អាតសរុប ៤២ឆ្នេរ ។ លើសពីនេះ កម្ពុជាបានក្លាយជាអនុប្រធានក្លឹប ទទួលបន្ទុកតំបន់អាស៊ី-ប៉ាស៊ីហ្វិក ២អាណត្តិជាប់គ្នារហូតដល់ឆ្នាំ ២០១៩ ផងដែរ ក្រោយមហាសន្និបាតក្លឹបបោះឆ្នោតជ្រើសរើស៕
តាមពិតទៅ ឆ្នេរឯករាជ្យ ជាឆ្នេរមួយដែលភ្ញៀវទេសចរពេញនិយមកម្សាន្ត ក្រៅពីឆ្នេរអូរឈើទាល ឆ្នេរអូត្រេះ ស្ថិតក្នុងប្រទេសសមាជិកក្លឹបឆ្នេរសមុទ្រដែលស្អាតជាងគេបំផុតលើសាកលលោក។ ឆ្នេរឯករាជ្យ និងឆ្នេរសមុទ្រកម្ពុជាក្នុងខេត្តទាំង ៤ជាង ៤០០គីឡូម៉ែត្រដទៃទៀត ត្រូវបានប្រសិទ្ធនាមជា ឆ្នេរសមុទ្រដែលស្ថិតក្នុងកម្ពុជាតារារះនៅទិសនិរតី ដែលមានទីក្រុងបៃតង ឆ្នេរស្អាត សមុទ្រខៀវស្រងាត់។
លោក ថោង ខុន រដ្ឋមន្ត្រីក្រសួងទេសចរបានថ្លែងក្នុងពិធីបើកបុណ្យសមុទ្រថ្ងៃទី២៤ ធ្នូនេះថា ខេត្តព្រះសីហនុទទួលបានភ្ញៀវទេសចរអន្តរជាតិ ប្រមាណ ៤០ម៉ឺននាក់ និងភ្ញៀវទេសចរជាតិប្រមាណ ១,១លាននាក់ ក្នុងឆ្នាំ ២០១៦នេះ។ ហើយភ្ញៀវទេសចរអន្តរជាតិនឹងកើនដល់ប្រមាណ ១លាននាក់ និងទេសចរជាតិប្រមាណ ២លាននាក់ នៅឆ្នាំ ២០២០ ។
ដោយឡែកភ្ញៀវទេសចរអន្តរជាតិមកទស្សនាកម្ពុជាទាំងមូលក្នុងឆ្នាំ២០១៦នេះវិញ លោកថ្លែងថា មានចំនួនប្រមាណ ៥លាននាក់ ក្នុងនោះ ភ្ញៀវកម្សាន្តតំបន់ឆ្នេរខេត្តទាំង ៤ មានចំនួនប្រមាណ ៧០ម៉ឺននាក់ មានកំណើន ១១ភាគរយ ដែលរួមចំណែក ១៤ភាគរយ នៃចំនួនទេសចរសរុប។
ឱកាសនេះដែរ លោករដ្ឋមន្ត្រីបានស្រង់របាយការណ៍របស់អង្គការទេសចរណ៍ពិភពលោក (UNWTO) ឆ្នាំ២០១៥ ថ្លែងចេញពីខេត្តស្ថិតក្នុងតំបន់រដ្ឋបាល និងសេដ្ឋកិច្ចពិសេសពហុបំណងរបស់កម្ពុជា ឲ្យដឹងថា ពិភពលោកទាំងមូលបានទទួលទេសចរអន្តរជាតិប្រមាណ ១១៨៤លាននាក់ មានកំណើន ៤,៤ ភាគរយ ក្នុងនោះ ភ្ញៀវទេសចរធ្វើដំណើរកម្សាន្តទៅតំបន់ទេសចរវប្បធម៌ប្រមាណ ៤៧ភាគរយ ឆ្នេរប្រមាណ ២៨ភាគរយ និងតំបន់អេកូទេសចរណ៍ និងតំបន់ផ្សេងៗទៀតមានប្រមាណ ២៥ភាគរយ។
រដ្ឋមន្ត្រីក្រសួងទេសចរូបនេះ ថ្លែងតាមការព្យាករណ៍ថា តំបន់ឆ្នេរសមុទ្រកម្ពុជាអាចនឹងទទួលបានភ្ញៀវទេសចរអន្តរជាតិប្រមាណ ២លាននាក់ និងភ្ញៀវទេសចរជាតិប្រមាណ ៤លាននាក់នៅឆ្នាំ ២០២០ ។
គួរបញ្ជាក់ថា កម្ពុជាបានក្លាយជាសមាជិកក្លឹបឆ្នេរសមុទ្រដែលស្អាតជាងគេបំផុតលើសាកលលោកកាលពីឆ្នាំ ២០១១ ចំណោមសមាជិកមកពី ២៤ប្រទេសដែលមានឆ្នេរស្អាតសរុប ៤២ឆ្នេរ ។ លើសពីនេះ កម្ពុជាបានក្លាយជាអនុប្រធានក្លឹប ទទួលបន្ទុកតំបន់អាស៊ី-ប៉ាស៊ីហ្វិក ២អាណត្តិជាប់គ្នារហូតដល់ឆ្នាំ ២០១៩ ផងដែរ ក្រោយមហាសន្និបាតក្លឹបបោះឆ្នោតជ្រើសរើស៕
Tag:
ថោង ខុន
កម្ពុជា
សមុទ្រ
ឆ្នេរឯករាជ្យ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 8 ម៉ោង
