សម្រស់ទឹកធ្លាក់តាដា នារដូវប្រាំង

ជាតិ

សម្រស់ទឹកធ្លាក់តាដា នារដូវប្រាំង

29, Jan 2021 , 10:29 pm

រូបភាព

ដោយ៖ ហុង ស្រីណា

ទឹកធ្លាក់តាដា មានទីតាំងស្ថិតនៅ ឃុំស្នំប្រាំពីរ ស្រុកទឹកឈូរ ខេត្តកំពត ដែលមានចម្ងាយ ១៧គីឡូរម៉ែត្រពីទីរួមខេត្ត។ តាមផ្លូវទៅកាន់រមណីយដ្ឋាននេះ ភ្ញៀវទេសចរអាចលំហែអារម្មណ៍ គយគន់សម្រស់ព្រៃភ្នំក្រាស់ ចម្ការទុរេន ចម្ការចេក ចម្ការទឹកដោះគោ រួមទាំងដំណាំជាច្រើនមុខទៀត។ ភ្ញៀវទេសចរត្រូវចំណាយពេល ប្រមាណ១៥នាទី ទៅ ២០នាទី ដើម្បីឡើងទៅដល់ទឹកធ្លាក់តាដា ដែលមានទេសភាពធម្មជាតិព្រៃភ្នំយ៉ាងស្រស់ត្រកាល លាយឡំជាមួយសំឡេងទឹកធ្លាក់ពីលើភ្នំ មកប៉ះជាមួយផ្ទាំងថ្ម គួរឲ្យចង់ងូតទឹិកលេងកម្សាន្ត។

ពេលទៅដល់ផ្លូវបត់ចូលរមណីយដ្ឋានទឹកធ្លាក់តាដា ភ្ញៀវទេសចរបរទេសម្នាក់ត្រូវចំណាយថវិការ ១ម៉ឺន២ពាន់រៀល។ ចំណែកភ្ញៀវជាតិ ត្រូវ៤ពាន់រៀល ម៉ូតូ ១ពាន់រៀល ឡានទេសចរណ៍៥ពាន់រៀល ឡានធំ១ម៉ឺនរៀល និង ៥ម៉ឺនរៀល ដើម្បីថតរូបអាពាហ៍ពិពាហ៍៕

សូមអញ្ជើញទស្សនាទេសភាព ទឹកធ្លាក់តាដា ក្នុងឆ្នាំ២០២១ ដូចតទៅ៖