ជាតិ
ដើមឆ្នាំ២០២១ កុមារ និងស្ត្រី ជាង៧ម៉ឺននាក់ ទៅពិនិត្យព្យាបាល នៅមន្ទីរពេទ្យគន្ធបុប្ផា
× ភ្នំពេញ៖ ខែមករា ដើមឆ្នាំ២០២១ កុមារ និងស្ត្រី ជាង៧ម៉ឺននាក់ បានទៅពិនិត្យព្យាបាល និងសម្រាលកូន នៅមន្ទីរពេទ្យគន្ធបុប្ផារាជធានីភ្នំពេញ និងខេត្តសៀមរាប។ នេះបើតាមរបាយការណ៍របស់មន្ទីរពេទ្យគន្ធបុប្ផា នាថ្ងៃទី៣១ ខែមករា។
តួលេខរបស់មន្ទីរពេទ្យគន្ធបុប្ផា បានបង្ហាញថា កុមារឈឺចំនួន ៥០,០៤៦នាក់ ត្រូវបានពិនិត្យព្យាបាល នៅផ្នែកពិគ្រោះជំងឺក្រៅ។ រីឯ កុមារមានជំងឺធ្ងន់ ចំនួន ១០,៦០៩ នាក់ និងកុមារមានជំងឺគ្រុនឈាម ចំនួន ១៥២នាក់ ត្រូវដាក់សម្រាកព្យាបាលនៅក្នុងមន្ទីរពេទ្យ។ កុមារចំនួន ២,០៤៣នាក់ ត្រូវទទួលការវៈកាត់ និងកុមារចំនួន៧៨នាក់ ត្រូវបានវះកាត់បេះដូង និងភ្ជិតប្រហោងបេះដូងតាមសរសៃឈាម នៅមន្ទីរពេទ្យគន្ធបុប្ផាភ្នំពេញ និងសៀមរាប។
បើតាមលិខិតដដែល ស្ត្រីមានផ្ទៃពោះចំនួន ៨,៥២៧នាក់ បានពិនិត្យតាមដានផ្ទៃពោះ និងសម្រាលកូនបានចំនួន ១,៨៧៩នាក់ នៅផ្នែកពិគ្រោះជំងឺក្រៅនៃមន្ទីរសម្ភព។ គួរបញ្ជាក់ថា រាល់ការព្យាបាលទាំងអស់ គឺឥតគិតថ្លៃ៕
Tag:
មន្ទីរពេទ្យ
គន្ធបុប្ផា
កុមារ
ស្ត្រី
© រក្សាសិទ្ធិដោយ thmeythmey.com