ជំនួបរវាង Everton និង Spurs បានឈានដល់ម៉ោងបន្ថែម១៥នាទីពីរដង ក្រោយបញ្ចប់ការប្រកួត៩០នាទីក្នុងលទ្ធផល ៤-៤។ នៅម៉ោងបន្ថែមលើកទី១នាទី៩៧ ខ្សែប្រយុទ្ធ Bernard បានសម្រេចទីគ្រាប់ជ័យជម្នះឱ្យក្រុមលោក Carlo Ancelotti ដើម្បីឈានទៅវគ្គ៨ក្រុមចុងក្រោយ FA Cup រដូវកាល ២០២០-២១នេះ។
 

៥គ្រាប់របស់ក្រុមរហស្សនាមស្កគ្រាប់ធ្វើបានដោយ Dominic Calvert-Lewin, Richarlison ២គ្រាប់, Gylfi Sigurdsson និង Bernard។ ឯ ៤គ្រាប់របស់ក្រុមលោក Jose Mourinho សម្រេចដោយខ្សែការពារ Davinson Sanchez ២គ្រាប់ម្នាក់ឯង រួមជាមួយ Erik Lamela និង Harry Kane។
 

ឯក្រុមផ្សេងទៀតដែលបានកៅអីទៅវគ្គ៨ក្រុមចុងក្រោយ FA Cup រួមមាន Manchester City តាមរយៈការឈ្នះ Swansea City ៣-១, Leicester City ដែលឈ្នះ Brighton ១-០ និង Sheffield United ដែលឈ្នះ Bristol City ១-០។
 

ដោយឡែកការប្រកួតពានរង្វាន់ Copa Del Rey នៅអេស្ប៉ាញឯណោះវិញ Seviila ក្នុងនាមជាម្ចាស់ជើងទី១ បានយកឈ្នះក្រុមខ្លាំង Barcelona ដោយលទ្ធផល ២-០។ ២គ្រាប់របស់ Seviila ធ្វើបានដោយ Jules Kounde និង Ivan Rakitic ដែលជាអតីតកីឡាកររបស់ Barca។ ជើងទី២ ដែលធ្វើនៅ Camp Nou នៅរាត្រីថ្ងៃទី៣ ខែមីនា។ មួយគេទៀត Athletic Bilbao ត្រូវស្វាគមន៍ Levante នៅជើងទី១ នារាត្រីថ្ងៃទី១១ ខែកុម្ភៈនេះ ហើយជើងទី២ នៅរាត្រីថ្ងៃទី៤ ខែមីនា៕