ប្រូតេអ៊ីនជាសារធាតុចិញ្ចឹមដ៏ចាំបាច់បំផុតមួយដែលរាងកាយត្រូវការដើម្បីរក្សាបាននូវសុខភាពរឹងមាំប្រសើរ។ អាហារដែលជាប្រភពល្អបំផុតនៃប្រូតេអ៊ីនរួមមានសាច់ ទឹកដោះគោ ត្រី សណ្ដែកសៀង ស៊ុត សណ្ដែក និងពពួកសណ្ដែក legumes ជាដើម។

 

៣. ប្រូតេអ៊ីនក៏ចាំបាចសម្រាប់ការបង្កើតអ័រម៉ុននិងសារធាតុគីមីផ្សេងៗក្នុងរាងកាយផងដែរ។ អង់ស៊ីមដែលត្រូវបានគេចាត់ទុកថាជាកាតាលីករនៃប្រតិកម្មសារធាតុគីមីជីវសាស្ត្រក្នុងរាងកាយភាគច្រើន គឺជាប្រូតេអ៊ីន។

 

ប្រូតេអ៊ីន គឺចាំបាច់ណាស់សម្រាប់រក្សាសុខភាពសាច់ដុំ ពង្រឹងសុខភាពស្បែក និងទប់ស្កាត់បញ្ហាសក់ជ្រុះ។ ដូច្នេះប្រសិនបើអ្នកចង់ទទួលបាននូវសាច់ដុំរឹងមាំ សក់មានសុខភាពល្អ និងស្បែកស្រស់ស្អាត នោះរបបអាហារមានផ្ទុកសម្បូរទៅដោយប្រូតេអ៊ីន គឺសំខាន់សម្រាប់អ្នក។

 

យោងតាមអ្នកជំនាញជាច្រើនបានឱ្យដឹងថានៅពេលអ្នកទទួលទានប្រូតេអ៊ីនគុណភាពខ្ពស់យ៉ាងហោចណាស់ ១០ ក្រាមនៃអាស៊ីតអាមីណូចាំបាច់រាល់ពេលអាហារនោះវាមានទំនាក់ទំនងផ្សារភ្ជាប់នឹងការស្រកខ្លាញ់ក្បាលពោះ។

 

 

ក្រោយពេលទទួលទានអាហារមានផ្ទុកសម្បូរទៅដោយប្រូតេអ៊ីនអ្នកនឹងមិនឆាប់ឃ្លានឡើយ! នេះមានន័យថាបរិមាណនៃកាឡូរីនឹងថយចុះទាបខណៈដែលអ្នកមិនទទួលទានច្រើន ហើយអ្នកប្រាកដជាអាចស្រកទម្ងន់កាន់តែឆាប់រហ័ស។

ប្រូតេអ៊ីនធ្វើឱ្យមានតុល្យភាពនៃការបញ្ជូនសារធាតុគីមីដែលផ្ដល់ថាមពលកំឡុងពេលថ្ងៃនិងសម្រាកបានស្រួលនៅពេលយប់។ នេះបើប្រៀបធៀបនឹងរបបអាហារមានផ្ទុកកាបូអ៊ីដ្រាតខ្ពស់។

 

រាងកាយត្រូវការប្រូតេអ៊ីនគ្រប់គ្រាន់ដើម្បីដំណើរការមុខងារល្អប្រសើរ។ ប្រូតេអ៊ីនសំខាន់សម្រាប់ការចងចាំ ការគិត និងរាល់សកម្មភាពរាងកាយ។ ម្យ៉ាងវិញទៀតប្រសិនបើអ្នកមិនទទួលបានប្រូតេអ៊ីនគ្រប់គ្រាន់ទេនោះសាច់ដុំរបស់អ្នកនឹងចាប់ផ្ដើមរួមតូចបន្តិចម្ដងៗ។ ជាលទ្ធផលអ្នកនឹងជួបប្រទះបញ្ហាខ្សោយកម្លាំង ឬខ្សោយសាច់ដុំ។

 

ប្រូតេអ៊ីនត្រូវបានចាត់ទុកជាអាហារចាំបាច់បំផុតមួយសម្រាប់សុខភាពខួរក្បាល។ វាជួយធ្វើឱ្យមុខងារខួរក្បាលកាន់តែមានលក្ខណៈប្រសើរឡើង។

 

ត្រីជាអាហារទូទៅបំផុតមួយដែលអ្នកនឹងទទួលទាននៅពេលជ្រើសរើសរបបអាហារមានផ្ទុកប្រូតេអ៊ីនខ្ពស់។ ហើយភាគច្រើននៃពួកយើងសុទ្ធតែដឹងហើយថាត្រីក៏ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ដែលល្អសម្រាប់សុខភាពសសៃឈាមបេះដូងទប់ស្កាត់ហានិភ័យនៃជំងឺបេះដូងគួរឱ្យកត់សម្គាល់។

 

ប្រូតេអ៊ីនចាំបាច់ក្នុងការជួយឱ្យរបួសឆាប់ជា។ ប្រសិនបើរាងកាយព្យាបាលខ្លួនឯង វានឹងផលិត ឬជួសជុលជាលិកាឡើងវិញ។ ហើយប្រូតេអ៊ីន គឺត្រូវបានប្រើប្រាស់ដោយជាលិកាទាំងនេះក្នុងដំណើរការជួសជុល។ ដូច្នេះកង្វះប្រូតេអ៊ីនអាចបណ្ដាលឱ្យរបួសយូរជាជាងធម្មតា៕

ត្រួតពិនិត្យដោយ៖ www.health.com.kh