លោក ប៊ុនធឿន ប្រាប់សារព័ត៌មានថ្មីៗនៅថ្ងៃនេះថា យុវជនទាំង២បានផឹកស៊ីនៅម្ដុំសណ្ឋាគារសុខា ហើយក្រោយស្រវឹង ពួកគេធ្វើសកម្មភាពវាយជនបរទេស ដើម្បីកម្សាន្តសប្បាយ។ លោកថា ករណីកើតឡើងកាលពីថ្ងៃទី៧ ខែមីនា លុះដល់ថ្ងៃទី៨សមត្ថកិច្ចស្រាវជ្រាវឃាត់ខ្លួនបាន។ 

 

លោកមេប៉ុស្ត៍ បញ្ជាក់ថា ជនសង្ស័យទាំងថាខ្លួនពិតជាបានវាយក្បាលជនបរទេស ដែលកំពុងជិះកង់ពិតប្រាកដមែន។ 

 

«ពីរនាក់ហ្នឹងផឹកស្រវឹងពីម្ដុំសុខា ហើយជិះម៉ូតូទៅវាយគេលេងដើម្បីសើចសប្បាយ ហើយថតបង្ហោះ TikTok»។ នេះបើតាមលោក ប៊ុនធឿន ដោយបញ្ជាក់ថា បច្ចុប្បន្នជនសង្ស័យត្រូវបានបញ្ជូនទៅតុលាការដើម្បីដោះស្រាយតាមផ្លូវច្បាប់ហើយ៕