តាមរយៈលិខិតរបស់រដ្ឋបាលឃុំត្រពាំងជោ ជម្រាបជូនលោក ឈឺន ឈីម ប្រធានសហគមន៍ស្រែកិន ពីការផ្អាកនាំភ្ញៀវជាបណ្ពោះអាសន្ននេះ ដើម្បីទប់ស្កាត់ការរីករាលដាលនៃជំងឺកូវីដ-១៩។ 

ក្រោយទទួលបានលិខិតខាងលើ លោក ឈឺន ឈីម ប្រធានសហគមន៍ស្រែកិន លើកឡើងថា៖ «សូមអរគុណដល់ពេលវេលាដែលកន្លងមកបងប្អូនយើងបានជួបជុំគ្នាយ៉ាងជិតស្និត តែពេលនេះសូមនៅឆ្ងាយពីគ្នាបន្តិចទៅ មិនយូប៉ុន្មានទេបងប្អូនយើង នឹងបានជួបគ្នាវិញដដែលឱ្យតែការពារបានល្អ ហើយ នឹងសង្ឃឹមថាបងប្អូនចូលរួមទប់ស្កាត់ការរីករាលដាលនៃជំងឺកូវីត-១៩ ទាំងអស់គ្នា» នេះជាការបង្ហោះរបស់លោក ឈឺន ឈីម ក្នុងហ្វេសប៊ុករបស់លោក។ 
 

សូមជម្រាបផងដែរ ភ្នំឱរ៉ាល់ ជាតំបន់ទេសចរណ៍បែបផ្សងព្រេងដ៏ពេញនិយមសម្រាប់ភ្ញៀវទេសចរជាតិ និងអន្តរជាតិ។ ភ្នំឱរ៉ាល់ ដែលមានកម្ពស់ខ្ពស់ជាងគេនៅកម្ពុជានេះ មានទីតាំងស្ថិតនៅឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ៕