លោកស្រី គង់ កុសល នាយិកាទីផ្សារ ខ្មែរ ប៊ែវើរីជីស បានថ្លែងថា៖ «នេះជាថ្ងៃទីពីរ នៃយុទ្ធនាការ «ទឹកចិត្តកម្ពុជា» របស់ក្រុមហ៊ុនដែលធ្វើការបរិច្ចាគទឹកបរិសុទ្ធកម្ពុជា ជូនមន្ទីរពេទ្យដែលកំពុងផ្ដល់សេវាចាក់វ៉ាក់សាំងការពារជំងឺកូវីដ-១៩។ តាមរយៈយុទ្ធនាការ «ទឹកចិត្តកម្ពុជា» យើងនឹងរួមសុខរួមទុក្ខ ឆ្លងកាត់ស្ថានភាពដ៏លំបាកមួយនេះជាមួយគ្នា ដើម្បីចូលរួមទប់ស្កាត់នៃការរាលដាលនៃវីរុសថ្មីនេះ។ ក្រុមហ៊ុន នឹងបន្តចែកជូនមន្ទីរពេទ្យជាច្រើនទៀត នូវទឹកបរិសុទ្ធកម្ពុជា ចំនួន១០០កេស សម្រាប់មន្ទីរពេទ្យនីមួយៗ ដើម្បីប្រើប្រាស់ព្រមទាំងផ្តល់ជូនបងប្អូនប្រជាពលរដ្ឋ ដែលមកទទួលសេវាចាក់វ៉ាក់សាំងបង្ការកូវីដ-១៩។

 

គួរបញ្ជាក់ផងដែរថា យុទ្ធនាការ «ទឹកចិត្តកម្ពុជា» របស់ ខ្មែរ ប៊ែវើរីជីស មិនត្រឹមតែបរិច្ចាគទឹកបរិសុទ្ធកម្ពុជា ដល់មន្ទីរពេទ្យ ដែលផ្តល់សេវាចាក់វ៉ាក់សាំងកូវីដ-១៩ប៉ុណ្ណោះទេ ប៉ុន្តែថែមទាំងក៏បរិច្ចាគដល់មន្រ្តីនគរបាល និងអាជ្ញាធរ ដែលខ្ជាប់ខ្ជួនប្រយុទ្ធប្រឆាំងជំងឺកូវីដ-១៩ផងដែរ៕