ក្រសួងពាណិជ្ជកម្ម បានបញ្ជាក់ថា តម្លៃសាំងធម្មតា៣,៧៥០០រៀលក្នុងមួយលីត្រនេះ ចាប់អនុវត្តពីពេលនេះ រហូតដល់បំណាច់ខែមីនា ឆ្នាំ២០២១។ ចាប់ពីខែមករា ឆ្នាំ២០២១មក តម្លៃប្រេងឥន្ទនៈលក់រាយនៅកម្ពុជា បានកើនឡើងបន្តិចម្តងៗជាលំដាប់ ដោយប្រេងសាំងធម្មតាបានកើនពី៣,២០០រៀល មកដល់៣,៧៥០រៀលក្នុងមួយលីត្រ។ 

 

ក្រសួងពាណិជ្ជកម្មបានបញ្ជាក់ថា តម្លៃប្រេងឥន្ទនៈលក់រាយលើទីផ្សារកម្ពុជា គឺមិនមែនក្រសួងពាណិជ្ជកម្ម ជាអ្នកកំណត់ឡើយដោយក្រសួងគ្រាន់តែស្រង់ថ្លៃឡើងឬចុះនៃប្រេងទៅតាមទីផ្សារអន្តរជាតិមកគណនា ជូនសាធារណជនប៉ុណ្ណោះ។  បើតាមក្រសួងពាណិជ្ជកម្ម ប្រេងឥន្ទនៈដែលលក់រាយនៅលើទីផ្សារអន្តរជាតិ ចាប់ពីថ្ងៃទី១ដល់១៥មីនា ឆ្នាំ២០២១ គឺមានតម្លៃប្រែប្រែងពី៦៨,៣៥ ដល់៧៦,៣១ដុល្លារក្នុងមួយធុងឬBarrel៕