ការឧបត្ថម្ភទឹកបរិសុទ្ធ កម្ពុជា និងភេសជ្ជៈប៉ូវកម្លាំង Wurkz របស់យុទ្ធនាការ «ទឹកចិត្តកម្ពុជា» ដល់អធិការដ្ឋាននគរបាលខណ្ឌមួយចំនួន គឺដើម្បីលើកទឹកចិត្តដល់មន្ត្រីនគរបាល និងអាជ្ញាធរក្នុងតំបន់ ដែលកំពុងចុះបំពេញបេសកកម្ម នៅតាមមណ្ឌលចាក់វ៉ាក់សាំងបង្ការកូវីដ-១៩ មណ្ឌលធ្វើចត្តាឡីស័ក និងមណ្ឌលសម្រាកព្យាបាលជំងឺកូវីដ-១៩ផងដែរ។
 

លោកបណ្ឌិត អ៊ឹម សុធារិទ្ធ នាយកទំនាក់ទំនងសាធារណៈក្រុមហ៊ុន ខ្មែរ ប៊ែវើរីជីស មានប្រសាសន៍ថា៖ «យុទ្ធនាការ «ទឹកចិត្តកម្ពុជា» នៅតែបន្តឧបត្ថម្ភទឹកបរិសុទ្ធ កម្ពុជា និងភេសជ្ជៈផ្សេងៗដល់ស្ថាប័នជាច្រើនទៀត ដែលមានមន្ត្រីរាជការ និងបុគ្គលិក កំពុងបំពេញបេសកកម្មក្នុងស្ថានការណ៍ដ៏លំបាកនេះ។ នេះជាទឹកចិត្តបន្តិចបន្តួចរបស់ក្រុមហ៊ុន ខ្មែរ ប៊ែវើរីជីស ដែលជាក្រុមហ៊ុនមួយបង្កើតឡើងដោយកូនខ្មែរ ហើយតែងតែត្រៀមខ្លួនក្នុងការជួយពលរដ្ឋខ្មែរជានិច្ច»៕