ម្តាយតារាកំប្លែងស្រីពីន ស្លាប់ដោយសារកូវីដ-១៩ ដែលជាករណីទី៥នៅកម្ពុជា

COVID-19

ជាតិ

ម្តាយតារាកំប្លែងស្រីពីន ស្លាប់ដោយសារកូវីដ-១៩ ដែលជាករណីទី៥នៅកម្ពុជា

23, Mar 2021 , 10:32 am

រូបភាព

ដោយ: សារព័ត៌មានថ្មីៗ

ម្តាយរបស់តារាសម្តែង អ៊ិន ស្រីពីន ក្នុងក្រុមកំប្លែងនាយក្រឹម បានទទួលមរណភាពក្នុងអាយុ៦២ឆ្នាំ នាវេលាម៉ោង៥ និង៤០នាទី ព្រឹកថ្ងៃទី២៣ ខែមីនា រយៈពេល២ថ្ងៃក្រោយត្រូវបានបញ្ជូនទៅកាន់មន្ទីរពេទ្យមិត្តភាពខ្មែរសូវៀត ដោយសារជំងឺកូវីដ-១៩។

អ្នកស្រី អ៊ិន ម៉ានីតា មានអាសយដ្ឋាននៅស្ទឹងមានជ័យ ខណ្ឌមានជ័យ រាជធានីភ្នំពេញ។ នៅថ្ងៃទី២០ ខែមីនា គាត់មានអាការៈហត់ ហើយបានចូលសម្រាកពេទ្យមិត្តភាពខ្មែរសូវៀត ហើយមួយថ្ងៃក្រោយមកឃើញវិជ្ជមានកូវីដ-១៩។ តាមការពិនិត្យគាត់មានរលាកសួតទាំងសងខាងធ្ងន់ធ្ងរខ្លាំង និងខ្សោយសួតខ្លាំង ដោយមានអាការហត់២-៣ថ្ងៃ មុនចូលពេទ្យ ព្រមទាំងមានជំងឺធាត់កម្រិត១ផងដែរ។

តាមសេចក្តីប្រកាសព័ត៌មានរបស់ក្រសួង អ្នកជំងឺបានស្លាប់បាត់ជីវិតដោយសារកូវីដ-១៩ វាយលុកលឿន ធ្វើឲ្យរលាកសួតទាំងសងខាងធ្ងន់ធ្ងរ ខ្សោយសួតខ្លាំងពេក។

នេះជាករណីស្លាប់ទី៥ដោយសារកូវីដ-១៩នៅកម្ពុជា ដោយករណីស្លាប់៤នាក់កន្លងមក មាន បុរសអាយុ៥០ឆ្នាំ កាលពីថ្ងៃទី១១ ខែមីនា, ស្ត្រីអាយុ៦២ឆ្នាំ (ភរិយាលោក ហួរ ឡាវី) និងបុរសអាយុ៤៦ឆ្នាំ កាលពីថ្ងៃទី១៩ ខែមីនា និងបុរសអាយុ៧៥ឆ្នាំ (វេជ្ជបណ្ឌិត ស្តើង ជា) កាលពីថ្ងៃទី២២ ខែមីនា៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

1 ម៉ោង

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

7 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 2 ថ្ងៃ

តើពាក្យងារជា «សម្តេច» មានន័យដូចម្តេច?

4 ថ្ងៃ

រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា

3 ថ្ងៃ

អត្ថបទពេញនិយមបន្ថែម