អគ្គស្នងការដ្ឋាននគរបាលជាតិ ផ្សាយនៅថ្ងៃទី៣០ ខែមីនា ឆ្នាំ២០២១ បន្ទាប់ពីសារភាពកំហុស សូមទោស ធ្វើកិច្ចសន្យា និង ទទួលការណែនាំពីសមត្ថកិច្ចរួច បុរសនោះ ក៏ត្រូវបានអនុញ្ញាតឲ្យត្រឡប់ទៅផ្ទះវិញ។ 
 

បុរសនោះ បានបង្ហោះវីដេអូតាមបណ្តាញសង្គមតិកតុក ដោយនិយាយថា រាជធានីភ្នំពេញ នឹងត្រូវបិទមិនឲ្យមានការធ្វើដំណើរចេញចូលជាបណ្តោះ។ បុរសនោះ  រស់នៅក្នុងភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ។
 

អគ្គស្នងការនគរបាលជាតិ បញ្ជាក់ថា មកដល់ពេលនេះ មិនមានគោលការណ៍បិទច្រកចេញចូលរាជធានីភ្នំពេញនោះទេ។ ជាមួយគ្នានេះ អគ្គស្នងការនគរបាលជាតិ អំពាវនាវឲ្យប្រជាពលរដ្ឋ ចូលរួមទប់ស្កាត់ព័ត៌មានក្លែងក្លាយ៕