ក្រសួងសុខាភិបាលបានបញ្ជាក់ថា បុរសខ្មែរម្នាក់អាយុ៥៥ឆ្នាំ បានស្លាប់នៅពេលបញ្ជូនទៅមន្ទីរពេទ្យហ្លួងម៉ែ ជាអ្នករស់នៅសង្កាត់អូរឫស្សី ខណ្ឌ៧មករា។ បុរសនេះ បានចូលសម្រាបនៅមណ្ឌលព្យាបាលបុរី១០០ខ្នង កាលពីថ្ងៃទី១៥មេសា ហើយបានបញ្ជូនទៅពេទ្យហ្លួងម៉ែនៅថ្ងៃទី១៨មេសា។ ជាមួយគ្នាដែរ ក្រុមគ្រូពេទ្យអះអាងថា បុរសរូបនេះមានជំងឺទឹកនោមផ្អែមប្រចាំកាយ បានស្លាបបាត់បងមុនពេលចូលដល់មន្ទីរពេទ្យហ្លួង ដោយសារជំងឺកូវីដ-១៩។ 
 

រីឯ បុរសម្នាក់ដែលស្លាប់នៅមណ្ឌលសុខភាពចាក់អង្រែ គឺរស់នៅសង្កាត់ឫស្សីកែវ ខណ្ឌឫស្សីកែវ បានចូលសម្រាកនីមណ្ឌលសុខភាពនេះកាលពីថ្ងៃទី១៥មេសា។ បុរសរូបនេះ ក៏មានជំងឺទឹកនោមផ្អែមផងដែរ ហើយនៅរសៀលថ្ងៃទី១៨មេសា មានស្ថានភាពហត់និងដង្ហក់ខ្លាំងរហូតបណ្ដាលឲ្យស្លាប់ ដោយសារជំងឺកូវីដ-១៩។ 
 

មកដល់ពេលនេះ កម្ពុជាមានអ្នកស្លាប់ដោយសារកូវីដ-១៩ ចំនួន ៤៥នាក់ ហើយអ្នកឆ្លងនៅទូទាំងប្រទេស មានប្រមាណជាង៦ពាន់នាក់៕