មនុស្ស៦៩៨នាក់បន្ថែមទៀត វិជ្ជមានកូវីដ-១៩នៅកម្ពុជា ខណៈអ្នកជាសះស្បើយមានចំនួន៩៩៤នាក់។ ក្នុងចំណោមអ្នកវិជ្ជមានថ្មី គឺនៅភ្នំពេញមានអ្នកឆ្លងច្រើនជាងគេដែលមានដល់ទៅ៥៥៨នាក់។ មនុស្ស៦នាក់ទៀតបានស្លាប់ដែលធ្វើឲ្យចំនួនសរុបឡើងដល់៨៨នាក់។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាល។
ក្នុងចំណោម៦៩៨ករណីថ្មី មាន១ករណីជាពលករខ្មែរអាយុ១៨ឆ្នាំទើបមកពីថៃ។ បច្ចុប្បន្នសម្រាកព្យាបាលនៅមន្ទីរពេទ្យបន្ទាយមានជ័យ។
៦៩៧ករណីពាក់ព័ន្ធសហគមន៍២០កុម្ភៈ ដែលក្នុងនោះ៣នាក់នៅកំពង់ស្ពឺ, ៣នាក់នៅតាកែវ, ២នាក់នៅពោធិ៍សាត់, ១៦នាក់នៅព្រះសីហនុ, ៧២នាក់នៅកណ្តាល, ៤៣នាក់នៅបន្ទាយមានជ័យ និង៥៥៨នាក់ (ក្នុងនោះស្លាប់២នាក់) នៅភ្នំពេញ។
រីឯអ្នកជាសះស្បើយមាន៩៩៤នាក់ ដោយ១នាក់នៅកោះកុង ២នាក់នៅព្រៃវែង ១នាក់នៅសៀមរាប ៣២នាក់នៅកណ្តាល ៦៥នាក់នៅព្រះសីហនុ និង៨៩៣នាក់នៅភ្នំពេញ។
អ្នកស្លាប់ថ្មីមាន៦នាក់ក្នុងនោះមានបុរសខ្មែរអាយុ៣៧ឆ្នាំ (សង្កាត់កាកាប ខណ្ឌពោធិ៍សែនជ័យ), ស្ត្រីខ្មែរអាយុ៦៨ឆ្នាំ (សង្កាត់ស្ទឹងមានជ័យ ខណ្ឌមានជ័យ), បុរសខ្មែរអាយុ៦១ឆ្នាំ (សង្កាត់ស្ទឹងមានជ័យ ខណ្ឌមានជ័យ), ស្ត្រីខ្មែរអាយុ៥១ឆ្នាំ (សង្កាត់ផ្សារដេប៉ូ២ ខណ្ឌទួលគោក), បុរសខ្មែរអាយុ៨០ឆ្នាំ (សង្កាត់ផ្សារថ្មី៣ ខណ្ឌដូនពេញ) និងបុរសខ្មែរអាយុ៩៣ឆ្នាំ (សង្កាត់លេខ៤ ក្រុងព្រះសីហនុ)។
គិតមកដល់ពេលនេះ កម្ពុជាមានករណីកូវីដ-១៩ សរុប១១៧៦១ករណី ក្នុងនោះ១១២១០ ជាករណីសហគមន៍២០កុម្ភៈ។ អ្នកសះស្បើយមាន៤៦៩៨នាក់ ស្លាប់មាន៨៨នាក់ និង៦៩៦៨នាក់កំពុងសម្រាកព្យាបាល៕