ជាតិ
លោកឯកអគ្គរដ្ឋទូតសហរដ្ឋអាមេរិកប្រចាំកម្ពុជា W. Patrick Murphy បានទទួលលោកស្រី Wendy Sherman នៅអាកាសយានដ្ឋានអន្តរជាតិភ្នំពេញ។ រូបថត ទូតអាមេរិក
×![]()
ដោយ: រួបរួម
លោកស្រី Wendy Sherman អនុរដ្ឋមន្ត្រីការបរទេសសហរដ្ឋអាមេរិក បានមករាជធានីភ្នំពេញ ហើយនារសៀលថ្ងៃទី១ ខែមិថុនា នេះ ដែលជាផ្នែកមួយនៃដំណើរទស្សនកិច្ចរបស់លោកស្រីក្នុងចំណោម៥ប្រទេស។ លោកឯកអគ្គរដ្ឋទូតសហរដ្ឋអាមេរិកប្រចាំកម្ពុជា W. Patrick Murphy បានទទួលលោកស្រីដោយផ្ទាល់នៅអាកាសយានដ្ឋានអន្តរជាតិភ្នំពេញ។
ក្នុងដំណើរទស្សនកិច្ចនៅកម្ពុជា នាថ្ងៃនេះ មន្ត្រីជាន់ខ្ពស់លំដាប់ទីពីរនៃក្រសួងការបរទេសអាមេរិក នឹងជួបពិភាក្សាជាមួយសម្តេចនាយករដ្ឋមន្ត្រី ហ៊ុន សែន និងភាគីពាក់ព័ន្ធដទៃទៀត ដើម្បីពិភាក្សាពីបញ្ហាតំបន់ និងបញ្ហាទ្វេភាគីសំខាន់ៗ។
លោកស្រី Wendy R. Sherman ធ្វើទស្សនកិច្ចនៅបែលហ្ស៊ិក តួកគី ឥណ្ឌូណេស៊ី កម្ពុជា និងថៃ ចាប់ពីថ្ងៃទី២៥ ខែឧសភា ដល់ថ្ងៃទី៤ ខែមិថុនា។ ទីក្រុងព្រុចសែល ជាគោលដៅដំបូងរបស់លោកស្រី Sherman មុនបន្តដំណើរទៅទីក្រុងអង់ការ៉ា រួចមកកាន់តំបន់អាស៊ីអាគ្នេយ៍ដោយធ្វើទស្សនកិច្ចនៅរដ្ឋធានីហ្សាការតា រាជធានីភ្នំពេញ និងទីក្រុងបាងកក មុនបញ្ចប់នៅកោះហាវ៉ៃ។
ទស្សនកិច្ចនៅតំបន់អាស៊ីអាគ្នេយ៍ មានបញ្ជាក់ពីការប្ដេជ្ញាចិត្តរបស់អាមេរិកចំពោះអាស៊ាន និងដោះស្រាយបញ្ហាជាច្រើនទាំងកម្រិតទ្វេភាគី និងតំបន់ រាប់ទាំងបញ្ហាមីយ៉ាន់ម៉ាផង។ នេះបើតាមសេចក្ដីប្រកាសព័ត៌មានដដែល។
សូមបញ្ជាក់ថា លោកស្រី Sherman បានស្បថចូលកាន់តំណែងជាអនុរដ្ឋមន្ត្រីក្រសួងការបរទេសអាមេរិកទី២១ កាលពីថ្ងៃទី ១៤ ខែមេសា និងជាស្ត្រីដំបូងគេបង្អស់កាន់មុខតំណែងនេះ ដែលជាមុខតំណែងលំដាប់ទីពីរនៃក្រសួងការបរទេសអាមេរិក៕
ក្នុងដំណើរទស្សនកិច្ចនៅកម្ពុជា នាថ្ងៃនេះ មន្ត្រីជាន់ខ្ពស់លំដាប់ទីពីរនៃក្រសួងការបរទេសអាមេរិក នឹងជួបពិភាក្សាជាមួយសម្តេចនាយករដ្ឋមន្ត្រី ហ៊ុន សែន និងភាគីពាក់ព័ន្ធដទៃទៀត ដើម្បីពិភាក្សាពីបញ្ហាតំបន់ និងបញ្ហាទ្វេភាគីសំខាន់ៗ។
លោកស្រី Wendy R. Sherman ធ្វើទស្សនកិច្ចនៅបែលហ្ស៊ិក តួកគី ឥណ្ឌូណេស៊ី កម្ពុជា និងថៃ ចាប់ពីថ្ងៃទី២៥ ខែឧសភា ដល់ថ្ងៃទី៤ ខែមិថុនា។ ទីក្រុងព្រុចសែល ជាគោលដៅដំបូងរបស់លោកស្រី Sherman មុនបន្តដំណើរទៅទីក្រុងអង់ការ៉ា រួចមកកាន់តំបន់អាស៊ីអាគ្នេយ៍ដោយធ្វើទស្សនកិច្ចនៅរដ្ឋធានីហ្សាការតា រាជធានីភ្នំពេញ និងទីក្រុងបាងកក មុនបញ្ចប់នៅកោះហាវ៉ៃ។
ទស្សនកិច្ចនៅតំបន់អាស៊ីអាគ្នេយ៍ មានបញ្ជាក់ពីការប្ដេជ្ញាចិត្តរបស់អាមេរិកចំពោះអាស៊ាន និងដោះស្រាយបញ្ហាជាច្រើនទាំងកម្រិតទ្វេភាគី និងតំបន់ រាប់ទាំងបញ្ហាមីយ៉ាន់ម៉ាផង។ នេះបើតាមសេចក្ដីប្រកាសព័ត៌មានដដែល។
សូមបញ្ជាក់ថា លោកស្រី Sherman បានស្បថចូលកាន់តំណែងជាអនុរដ្ឋមន្ត្រីក្រសួងការបរទេសអាមេរិកទី២១ កាលពីថ្ងៃទី ១៤ ខែមេសា និងជាស្ត្រីដំបូងគេបង្អស់កាន់មុខតំណែងនេះ ដែលជាមុខតំណែងលំដាប់ទីពីរនៃក្រសួងការបរទេសអាមេរិក៕
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
