COVID-19
ជាតិ
កម្ពុជារកឃើញអ្នកជំងឺឆ្លងវីរុសបំប្លែងថ្មីដ៏គួរឲ្យព្រួយបារម្ភនៅឧត្តរមានជ័យ និងបាត់ដំបង
× ក្រសួងសុខាភិបាលនាល្ងាចថ្ងៃទី៤ ខែមិថុនា នេះ បានប្រកាសពីការរកឃើញប្រភេទវីរុសបំប្លែងថ្មី B.1.617 លើអ្នកជំងឺ៣រូបដែលជាពលករទើបត្រឡប់ពីថៃ តាមច្រកអូរស្មាច់។ អ្នកជំងឺនោះ មានស្ត្រីអាយុ២៧ឆ្នាំ នៅពេទ្យឧត្តរមានជ័យ បុរសអាយុ៤៦ឆ្នាំ នៅពេទ្យឯកភ្នំ និងបុរសអាយុ៤៣ឆ្នាំនៅពេទ្យមោងឫស្សី ខេត្តបាត់ដំបង។
ក្រោយស្រាវជ្រាវរកឃើញ ក្រសួងសុខាភិបាលបានណែនាំភ្លាមៗទៅមន្ទីរសុខាភិបាលខេត្តពាក់ព័ន្ធ ឲ្យបង្កើនការយកចិត្តទុកដាក់ និងពង្រឹងអនុវត្តគោលការណ៍សុខាភិបាលដើម្បីទប់ស្កាត់ការចម្លង។
វីរុសបំប្លែងថ្មីប្រភេទ B.1.617 (ដែលតា) ដែលរកឃើញមុនគេនៅឥណ្ឌា កំពុងបង្ករព្រួយបារម្ភក្នុងពិភពលោក ក្នុងនោះប្រទេស៧នៅអាស៊ានសុទ្ធតែបានរកឃើញ រួមមាន ឥណ្ឌូណេស៊ី ហ្វីលីពីន សិង្ហបុរី ថៃ វៀតណាម និងកម្ពុជា៕
© រក្សាសិទ្ធិដោយ thmeythmey.com