កីឡាជាតិ
ជាតិ
ស៊ីហ្គេម៖ Kuniaki Takizaki បញ្ចប់ត្រឹមចំណាត់ថ្នាក់លេខ៤លើវិញ្ញាសាម៉ារ៉ាតុង កីឡាករ Kuniaki Takizaki ហៅ Neko នាពិធីបើកស៊ីហ្គេម។ រូបថត កឹម សុវណ្ណា
× កីឡាករដើមកំណើតជប៉ុន Kuniaki Takizaki បានខកឱកាសក្នុងការទទួលបានមេដាយសម្រាប់ក្រុមអត្តពលកម្មជម្រើសជាតិកម្ពុជាពីព្រឹត្តិការណ៍កីឡាស៊ីហ្គេមលើកទី២៧ ដោយរូបគេបានបញ្ចប់ចំណាត់ថ្នាក់ត្រឹមលេខបួនលើវិញ្ញាសារត់ម៉ារ៉ាតុង កាលពីព្រឹកមិញនេះ។
Kuniaki Takiazaki ដែលត្រូវបានគេស្គាល់ជាទូទៅថា Neko Hiroshi បានប្រើថិរវេលាអស់ ២:៣២:៥៤ ដោយស្ថិតក្នុងចំណាត់ថ្នាក់លេខបួនក្នុងចំណោមអត្តពលិកចំនួន៩នាក់ ខណៈ កីឡាករ ម៉ា វីរ៉ូ នៃក្រុមជម្រើសជាតិកម្ពុជាមួយរូបទៀត ស្ថិតនៅចំណាត់ថ្នាក់ចុងក្រោយគេជាមួយនឹងថិរវេលា ២:៤៤:៣៣ ។
កីឡាករសិង្ហបុរី Ying Ren Mok ទទួលបានមេដាយមាសជាមួយនឹងថិរវេលា ២:២៨:៣៦ កីឡាករមីយ៉ាន់ម៉ា Thaung Aye បានមេដាយប្រាក់ជាមួយនឹងថិរវេលា ២:២៩:៥០ ខណៈកីឡាករហ្វីលីពីន Eric Panique បានមេដាយសំរិទ្ធជាមួយនឹងថិរវេលា ២:៣០:៣០ ។
សូមបញ្ជាក់ថា កាលពីឆ្នាំ២០០៩ នាព្រឹត្តិការណ៍ប្រកួតនៅទីក្រុងវៀងចន្ទន៍ ប្រទេសឡាវ កីឡាករ ហែម ប៊ុនទីង ធ្លាប់ដណ្តើមបានមេដាយសំរិទ្ធសម្រាប់កម្ពុជា ដោយកំណត់ត្រារបស់គេ គឺ ២:២៥:១៩ ដែលខ្ពស់ជាងជ័យលាភីមេដាយមាសនៅពេលនេះទៅទៀត៕ © រក្សាសិទ្ធិដោយ thmeythmey.com