កីឡាជាតិ
ជាតិ
ស៊ីហ្គេម៖ កីឡារបស់កម្ពុជាណាខ្លះប្រកួតស៊ីហ្គេមនៅថ្ងៃទី ១៧ ធ្នូ នេះ? គៀង សាម៉ន នាការប្រកួតរត់ចម្ងាយ៤០០ម៉ែត្រ។ រូបថត NagaWorld/Kem Sovanna
× ១៣ ថ្ងៃហើយដែលកីឡាស៊ីហ្គេមលើកទី ២៧ ត្រូវនឹងឆ្នាំ២០១៣ នៅប្រទេសមីយ៉ាន់ម៉ាចាប់ដាក់ឱ្យកីឡាករ កីឡាករ ជាច្រើនវិញ្ញាសាប្រកួតដណ្ដើមមេដាយគ្នា។ ចំពោះក្រុមកម្ពុជាវិញ មានវិញ្ញាសាកីឡាខ្លះប្រកួតរួចរាល់ហើយ ខ្លះកំពុងប្រកួត ហើយខ្លះទៀតមិនទាន់ប្រកូតនៅឡើយ។ នៅថ្ងៃទី ១៧ ធ្នូ នេះ កម្ពុជានៅមានវិញ្ញាសា ប្រមាណជា ៦ វិញ្ញាសា ត្រូវប្រកួតប្រជែង។
វិញ្ញាសាទាំងនោះរួមមាន៖
ហុកគី នារី ៖ ក្រុមកម្ពុជាត្រូវប្រកួតវិលជុំបង្រ្គប់កិច្ចជាមួយក្រុមសិង្ហបុរី នៅម៉ោង ១១:៣០ នាទីថ្ងៃត្រង់។ ប្រកួតមុនកម្ពុជា ចាញ់ឥណ្ឌូណេស៊ី ១៥ ទល់ ៦ ចាញ់ ម៉ាឡេស៊ី ៣៦ ទល់ ០ និង ចាញ់ ២៦ ទល់ ០។
វាយកូនគោល៖ កីឡាករ ជា ឡុងឌី ត្រូវប្រកួតវិលជុំ 1rs Round ចំណែក កីឡាការិនី ចាន់ លីណា ត្រូរប្រកួតវិលជុំ 2nd Round។
ប៉េតង់ ៖ ក្រុមកីឡាករ កីឡាការិនីវាយយកពិន្ទុ (Shooting)សុទ្ធតែឡើងទៅវគ្គពាក់កណ្ដាលលផ្ដាច់ព្រ័ត្រដូចគ្នា ហើយត្រូវប៉ះ វៀតណាម ដូចគ្នា។ កីឡាករវាយយកពិន្ទុតំណាងឱ្យកម្ពុជាឈ្មោះ ឌី សុផានណា ចំណែកកីឡាការិនីវិញ គឺម្ចាស់មេដាយមាសពិភពលោក កែ ឡេង។
រត់ប្រណាំង៖ កីឡាករ គៀង សាម៉ន រត់ចម្ងាយ ៨០០ ម៉ែត្របុរស និង កីឡាការិនី ចាន់ សីហា រត់ចម្ងាយ ១០០ ម៉ែត្រ នារី។
បាល់ទះបុរស៖ ក្រុមកម្ពុជាត្រូវប្រកួតបិទពូល B ជាមួយក្រុម ម៉ាឡេស៊ី នៅកីឡដ្ឋាន Zayyarthiri Indoor Stadium ក្រុងណៃពីដរ។ ២ ប្រកួតកន្លងមក កម្ពុជា ប្រកួតចាញ់មីយ៉ាន់ម៉ា ៣ សិត ទល់ ០ និង ចាញ់ថៃ ៣ សិត ០ ។ ជាបណ្ដោះអាសន្ន ថៃ និង មីយ៉ាន់ម៉ា មាន ៦ ពិន្ទុ នៅកំពូលតារា ចំណែក ម៉ាឡេស៊ី និង កម្ពុជាមិនទាន់មានពិន្ទុដូចគ្នា។
ស៊ីប៉ាតាក្រ៖ ថ្ងៃនេះក្រុមសីប៉ាតាក្ររបស់កម្ពុជានឹងប្រកួតវិញ្ញាសាវាយគូបុរស និង វាយគូនារី វិលជុំសន្សំពិន្ទុ នៅកីឡដ្ឋាន Wunna Theikdi Indoor Stadium ក្នុងក្រុងណៃពីដរ ដោយនៅម៉ោង ៩:៣០ នាទីព្រឹក ដល់ ១២ ថ្ងៃត្រង់ ក្រុមនារីកម្ពុជា ប៉ះ នារី វៀតណាម ហើយនៅម៉ោង ១២:៣០ ដល់ម៉ោង ៣:៣០ រសៀល ក្រុមបុរសកម្ពុជាក៏ប៉ះក្រុមវៀតណាម។
ចំណែកម៉ោង ៣:៣០ នាទីរសៀល ដល់ម៉ោង ៦ល្ងាច ក្រុមវាយគូនារី ត្រូវប្រកួតជាមួយក្រុមម្ចាស់ផ្ទះមីយ៉ាន់ម៉ា។ ជាបណ្ដោះអាសន្ននេះដែរ ប្រទេសថៃឈរនៅតំណែងអ្នកឈ្នះមេដាយច្រើនជាងគេ គឺរហូតដល់ ១៥៣ ដោយក្នុងនោះ មាស ៥៩ ប្រាក់ ៤៥ និង សំរឹទ្ធ ៤៩ ។ ចំណែកកម្ពុជាស្ថិតនៅលំដាប់ទី៨ ក្នុងតារាងក្រោយឈ្នះមេដាយមាស ៤ ប្រាក់ ៧ និង សំរឹទ្ធ ១២ សរុបទាំងអស់ ២៣ ៕ © រក្សាសិទ្ធិដោយ thmeythmey.com