«បរិយាបន្នកម្ម»មានន័យថា វិធានការ ឬគោលនយោបាយដែលរាប់បញ្ចូល ឬផ្តល់លទ្ធភាពដល់អ្នកពាក់ព័ន្ធទាំងអស់ដើម្បីទទួលបានអត្ថប្រយោជន៍សេដ្ឋកិច្ចពីដំណើរការនៃការអនុវត្ត គម្រោងកម្មវិធី ឬគោលនយោបាយ។ ឧទាហរណ៍៖ ការបង្កលក្ខណៈឲ្យជនពិការមានការងារធ្វើជាបរិយាបន្នកម្មនៃដំណើរការអភិវឌ្ឍសង្គមសេដ្ឋកិច្ច។

 

ក្រុមប្រឹក្សាជាតិភាសាខ្មែរក៏បានពន្យល់ពាក្យ «បរិយាបន្នកម្មហិរញ្ញវត្ថុ» មានន័យថា សេវាកម្មហិរញ្ញវត្ថុដែលត្រូវបានគេគិតគូរដល់ក្រុមភាគតិច និងក្រុមងាយរងគ្រោះ បានទទួលចំណែកផល ឬជាវិធានការ ឬគោលនយោបាយដែលរាប់បញ្ចូល ឬផ្តល់លទ្ធភាពដល់អ្នកពាក់ព័ន្ធទាំងអស់ដើម្បីទទួលបានអត្ថប្រយោជន៍ហិរញ្ញវត្ថុពីដំណើរនៃការអនុវត្តគម្រោង កម្មវិធី ឬគោលនយោបាយ។ 

 

ឧទាហរណ៍៖ ការពង្រីកវិសាលភាពនៃសេវាមីក្រូហិរញ្ញវត្ថុដល់ជនបទ ជាបរិយាបន្នកម្មហិរញ្ញវត្ថុមានលក្ខណៈកាន់តែទូលំទូលាយ៕