លោក ឃួង ស្រេង បានបញ្ជាក់នៅក្នុងសេចក្តីប្រកាសព័ត៌មាននាថ្ងៃទី១២ ខែកក្កដាថា ការបិទផ្សារនេះ គឺដើម្បីទប់ស្កាត់ការរាលដាលជំងឺកូវីដ-១៩។ លោក ឃួង ស្រេង បានសង្កត់ធ្ងន់ថា ក្នុងអំឡុងបិទផ្សារកណ្តាលនេះ ហាមអាជីវករ និងពលរដ្ឋជួបជុំ និងចេញចូលផ្សារជាបណ្តោះអាសន្ន។ 

 

លោក ឃួង ស្រេង បានសង្កត់ធ្ងន់ថា ប្រសិនជាអាជីវករទាំងអស់ មិនគោរពតាមការណែនាំវិធានការទប់ស្កាត់ជំងឺកូវីដ-១៩ ទេនោះ ពួកគេមិនអាចបើកដំណើរការលក់ដូរ ក្រោយពេលដែលផ្សារបើកដំណើរកាលឡើងវិញឡើយ។ 

ទន្ទឹមនឹងផ្សារកណ្តាលត្រូវបានផ្អាកដំណើរការ រដ្ឋបាលរាជធានីភ្នំពេញក៏បានសម្រេចបើកដំណើរការផ្សារបឹងកេងកងឡើងវិញ ក្រោយពីផ្អាកអស់រយៈពេល២សប្តាហ៍កន្លងមក ដោយសារមានអាជីករមួយចំនួនបានឆ្លងជំងឺកូវីដ-១៩។

 

មកទល់ពេលនេះ កម្ពុជាមានអ្នកឆ្លងកូវីដ-១៩ សរុប ៦១៨៧០ នាក់ ក្នុងនោះករណីនាំចូលមានចំនួន ៤៨៧៣នាក់។ អ្នកជាសះស្បើយមាន ៥៣៤៧៧ នាក់ និងស្លាប់សរុប ៩២៥នាក់៕