កីឡាជាតិ
ជាតិ
ស៊ីហ្គេម៖ ថ្ងៃទី១៧ ខែធ្នូ កម្ពុជាបានមេដាយមាស១ និងសំរិទ្ធ១ ពីប៉េតង់
កីឡាការិនី កែ ឡេង បានសាងកិត្តិយសជាច្រើនជូនជាតិទាំងក្នុងតំបន់ និងពិភពលោក។ រូបថត NagaWorld/Kem Sovanna
×![]()
ដោយ: រួបរួម
នៅថ្ងៃអង្គារ ទី១៧ ខែធ្នូ មានតែកីឡាការិនី កែ ឡេង និង កីឡាករ ឌី សុបញ្ញា ប៉ុណ្ណោះដែលដណ្តើមបានមេដាយសម្រាប់ក្រុមកម្ពុជាក្នុងព្រឹត្តិការណ៍កីឡាស៊ីហ្គេម។ កីឡាការិនីប៉េតង់ កែ ឡេង សម្រេចបានស្នាដៃយ៉ាងត្រចះត្រចង់ក្នុងការដណ្តើមបានមេដាយមាសលើវិញ្ញាសាស៊ុតផ្នែកនារី ខណៈកីឡាករ ឌី សុបញ្ញា ទទួលបានត្រឹមមេដាយសំរិទ្ធលើវិញ្ញាសាស៊ុតផ្នែកបុរស។
នាការប្រកួតវិលជុំ កែ ឡេង បញ្ចប់ក្នុងចំណាត់ថ្នាក់លេខ៤ ដោយរកបានត្រឹម២៥ពិន្ទុ ហើយត្រូវប្រកួតខ្វែងនៅវគ្គពាក់កណ្តាលផ្តាច់ព្រ័ត្រជាមួយកីឡាការិនីវៀតណាម Nguyen Thi Thi ដែលរកបានពិន្ទុខ្ពស់ជាងគេរហូតដល់ទៅ៤៦ពិន្ទុ។
នៅក្នុងការប្រកួតវគ្គពាក់កណ្តាលផ្តាច់ព្រ័ត្រ កែ ឡេង បានបំបាក់កីឡាការិនីវៀតណាមក្នុងលទ្ធផល ៣៤-១៧ ហើយបន្តយកជ័យជម្នះលើកីឡាការិនីថៃ Potjanaseni Pawinee ក្នុងលទ្ធផល ៣០-១៦ នៅវគ្គផ្តាច់ព្រ័ត្រ។
កីឡាការិនី កែ ឡេង បានក្លាយជាជ័យលាភីមេដាយមាសទី៥របស់កម្ពុជា ខណៈមេដាយមាសចំនួន៤ទៀតទទួលបានពីកីឡាចំបាប់។ ក្នុងវិញ្ញាសានេះ កែ ឡេង បានមេដាយមាស ថៃបានប្រាក់ ខណៈវៀតណាម និងឡាវ បានសំរិទ្ធ។
ដោយឡែក កីឡាករ ឌី សុបញ្ញា បានទទួលត្រឹមមេដាយសំរិទ្ធ ដោយសាររូបគេបានប្រកួតចាញ់ពិន្ទុកីឡាករវៀតណាម Nguyen Van Quang ក្នុងលទ្ធផល ២២-៤០ នៅវគ្គពាក់កណ្តាលផ្តាច់ព្រ័ត្រ។ សុបញ្ញា បានមេដាយសំរិទ្ធស្ទួនជាមួយកីឡាករថៃ ខណៈឡាវបានមាស វៀតណាមបានប្រាក់។
រីឯការប្រកួតប្រភេទកីឡាផ្សេងទៀតនៅថ្ងៃអង្គារ ទី១៧ ខែធ្នូ រួមមាន ហុកគីនារី អត្តពលកម្ម វាយកូនគោល បាល់ទះ ខេមបូ និងវាយកូនឃ្លីលើតុ ជាដើម មិនទទួលបានលទ្ធផលអ្វីជាដុំកំភួន។
គិតត្រឹមថ្ងៃអង្គារ កម្ពុជារកបានមេដាយសរុបចំនួន២៥ ដែលក្នុងនោះមានមេដាយមាស៥ ប្រាក់៧ និងសំរិទ្ធ១៣។ ថៃបន្តឈានមុខគេលើចំនួនមេដាយ (មាស៦៤ ប្រាក់៥៥ និងសំរិទ្ធ៥៤) វៀតណាមស្ថិតនៅលំដាប់លេខ២ (៤៨-៤៣-៥២) បន្ទាប់មក ឥណ្ឌូនេស៊ី (៤៥-៥៦-៥៦) មីយ៉ាន់ម៉ា (៤២-៣៩-៤៦) ម៉ាឡេស៊ី (២៧-២៥-៤៦) សិង្ហបុរី (២២-២០-៣១) និងហ្វីលីពីន (១៤-២០-២៥)។
យោងតាមតារាងមេដាយមាស កម្ពុជា (៥-៧-១៣) ស្ថិតនៅពីលើឡាវ (៤-៧-២២) ប្រ៊ុយណេ (១-១-៤) និងទីម័រខាងកើត ដែលទើបដណ្តើមបានមេដាយមាស១លើវិញ្ញាសា Kempo៕
នាការប្រកួតវិលជុំ កែ ឡេង បញ្ចប់ក្នុងចំណាត់ថ្នាក់លេខ៤ ដោយរកបានត្រឹម២៥ពិន្ទុ ហើយត្រូវប្រកួតខ្វែងនៅវគ្គពាក់កណ្តាលផ្តាច់ព្រ័ត្រជាមួយកីឡាការិនីវៀតណាម Nguyen Thi Thi ដែលរកបានពិន្ទុខ្ពស់ជាងគេរហូតដល់ទៅ៤៦ពិន្ទុ។
នៅក្នុងការប្រកួតវគ្គពាក់កណ្តាលផ្តាច់ព្រ័ត្រ កែ ឡេង បានបំបាក់កីឡាការិនីវៀតណាមក្នុងលទ្ធផល ៣៤-១៧ ហើយបន្តយកជ័យជម្នះលើកីឡាការិនីថៃ Potjanaseni Pawinee ក្នុងលទ្ធផល ៣០-១៦ នៅវគ្គផ្តាច់ព្រ័ត្រ។
កីឡាការិនី កែ ឡេង បានក្លាយជាជ័យលាភីមេដាយមាសទី៥របស់កម្ពុជា ខណៈមេដាយមាសចំនួន៤ទៀតទទួលបានពីកីឡាចំបាប់។ ក្នុងវិញ្ញាសានេះ កែ ឡេង បានមេដាយមាស ថៃបានប្រាក់ ខណៈវៀតណាម និងឡាវ បានសំរិទ្ធ។
ដោយឡែក កីឡាករ ឌី សុបញ្ញា បានទទួលត្រឹមមេដាយសំរិទ្ធ ដោយសាររូបគេបានប្រកួតចាញ់ពិន្ទុកីឡាករវៀតណាម Nguyen Van Quang ក្នុងលទ្ធផល ២២-៤០ នៅវគ្គពាក់កណ្តាលផ្តាច់ព្រ័ត្រ។ សុបញ្ញា បានមេដាយសំរិទ្ធស្ទួនជាមួយកីឡាករថៃ ខណៈឡាវបានមាស វៀតណាមបានប្រាក់។
រីឯការប្រកួតប្រភេទកីឡាផ្សេងទៀតនៅថ្ងៃអង្គារ ទី១៧ ខែធ្នូ រួមមាន ហុកគីនារី អត្តពលកម្ម វាយកូនគោល បាល់ទះ ខេមបូ និងវាយកូនឃ្លីលើតុ ជាដើម មិនទទួលបានលទ្ធផលអ្វីជាដុំកំភួន។
គិតត្រឹមថ្ងៃអង្គារ កម្ពុជារកបានមេដាយសរុបចំនួន២៥ ដែលក្នុងនោះមានមេដាយមាស៥ ប្រាក់៧ និងសំរិទ្ធ១៣។ ថៃបន្តឈានមុខគេលើចំនួនមេដាយ (មាស៦៤ ប្រាក់៥៥ និងសំរិទ្ធ៥៤) វៀតណាមស្ថិតនៅលំដាប់លេខ២ (៤៨-៤៣-៥២) បន្ទាប់មក ឥណ្ឌូនេស៊ី (៤៥-៥៦-៥៦) មីយ៉ាន់ម៉ា (៤២-៣៩-៤៦) ម៉ាឡេស៊ី (២៧-២៥-៤៦) សិង្ហបុរី (២២-២០-៣១) និងហ្វីលីពីន (១៤-២០-២៥)។
យោងតាមតារាងមេដាយមាស កម្ពុជា (៥-៧-១៣) ស្ថិតនៅពីលើឡាវ (៤-៧-២២) ប្រ៊ុយណេ (១-១-៤) និងទីម័រខាងកើត ដែលទើបដណ្តើមបានមេដាយមាស១លើវិញ្ញាសា Kempo៕
© រក្សាសិទ្ធិដោយ thmeythmey.com
