ជាតិ
សង្គមជាតិ
ប្រព័ន្ធរំដោះទឹកក្នុងខណ្ឌដូនពេញដែលជាជំនួយជប៉ុន នឹងបើកដំណើរការនៅថ្ងៃសុក្រនេះ
រូបភាពពីទំព័រហ្វេសប៊ុកមន្ទីរសាធារណការ និងដឹកជញ្ជូនរាជធានីភ្នំពេញ
×![]()
ភ្នំពេញ៖ ការដ្ឋានការពារទឹកជំនន់ និងកែលំអប្រឡាយលូជំហាន៤ ក្នុងខណ្ឌដូនពេញ ដែលជាជំនួយឥតសំណងរបស់ប្រទេសជប៉ុន នឹងត្រូវដាក់ឱ្យដំណើរបណ្តោះអាសន្ន នៅថ្ងៃសុក្រ ទី១៦ កក្កដានេះ។ នេះបើតាមទំព័រហ្វេសប៊ុកមន្ទីរសាធារណការ និងដឹកជញ្ជូនរាជធានីភ្នំពេញ។ 
តាមប្រភពដដែល បច្ចុប្បន្នការសាងសង់ប្រព័ន្ធរំដោះទឹកនេះ សម្រេចការបាន៩៨ភាគរយហើយ ដោយដាក់លូមេ ជាប្រភេទលូមូល និងលូប្រអប់ខ្នាតធំ ដែលមានអង្កត់ផ្ចិត១.៥ម៉ែត្រ ដល់២.៣ម៉ែត្រ។ អាងក្រោមដី ដែលស្តុកទឹកបាន៦៥,០០០ម៉ែត្រគូប និងស្ថានីយ៍បូមទឹកថ្មី ដែលអាចបូមទឹកក្នុងទំហំ ១.៤ម៉ែត្រគូប ក្នុងមួយវិនាទី ក៏ត្រូវបានសាងសង់ ក្នុងគម្រោងនេះដែរ។ មន្ទីរសាធារណការរាជធានីភ្នំពេញ បញ្ជាក់ទៀតថា គម្រោងនេះ នឹងអាចបញ្ឈប់ការលិចទឹកនៅតំបន់ជុំវិញ និងខាងជើងវត្តភ្នំ រួមមានផ្លូវលេខ៤៧, ផ្លូវលេខ៩០ និងផ្លូវលេខ៩២ ជាដើម។
សូមជម្រាបថា ការសាងសង់ប្រព័ន្ធរំដោះទឹកជំនន់នេះ បានចាប់ផ្តើមកាលពីដើមខែមីនា ឆ្នាំ២០១៩។ វាស្ថិតក្នុងចំណោមគម្រោងការពារទឹកជំនន់ចំនួន៦ ដែលសាងសង់ឡើងក្រោមជំនួយហិរញ្ញប្បទានរបស់រដ្ឋាភិបាលជប៉ុន តាមរយៈអង្គការ JICA៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
