កាសែត BBC មិនបានបញ្ចេញឈ្មោះកីឡាកររូបនោះទេ ប៉ុន្តែត្រូវបានគេជឿជាក់ថាជាខ្សែបម្រើឆ្នើម Gylfi Sigurdsson ដែលត្រូវបានចាប់ខ្លួនកាលពីថ្ងៃទី១៦ ខែកក្កដា និងត្រូវបានដោះលែងឱ្យនៅក្រៅឃុំបណ្តោះអាសន្នវិញ។
 

សេចក្ដីថ្លែងការណ៍ប៉ូលីសតំបន់ Greater Manchester សរសេរថា៖ «ប៉ូលីសបានចាប់ខ្លួនបុរសម្នាក់នៅថ្ងៃសុក្រទី១៦ ខែកក្កដាឆ្នាំ ២០២១ ពីបទសង្ស័យល្មើសផ្លូវភេទលើកុមារ។ គាត់កំពុងស្ថិតនៅក្រៅឃុំដោយរង់ចាំការសាកសួរបន្តទៀត»។
 

ក្លិប Everton ក្នុងក្របខណ្ឌ Premier League សម្រេចផ្អាកការងារកីឡាករខ្លួនរូបនេះ ខណៈដែលការស៊ើបអង្កេតនៅតែបន្ត។ ក្រុមដែលទើបតែងតាំងលោក Rafael Benitez ជាអ្នកចាត់ការថ្មី ប្តេជ្ញាចូលរួមសហការជាមួយបូលីសអង់គ្លេសដើម្បីស្វែងរកឱ្យដឹងការពិត ជុំវិញទង្វើអសីលធម៌បែបនេះ៕