តាមរបាយការណ៍របស់ក្រសួងសុខាភិបាល ក្នុងចំណោមខេត្តទាំង៦ ដែលផ្តើមយុទ្ធនាការចាក់វ៉ាក់សាំងកូវីដ-១៩ ប្រភេទ AstraZeneca ​ដូសទី៣នេះ គឺខេត្តបន្ទាយមានជ័យ មាន៥.៤៣៧នាក់ ខេត្តពោធិ៍សាត់ មាន៤.៧៨៤នាក់, ឧត្តរមានជ័យ មាន៣៣៧នាក់, ​កោះកុង៩៥០នាក់,​ បាត់ដំបងមាន២៧០នាក់ និងព្រះវិហារមាន២៩៦នាក់។ 

 

យុទ្ធនាការចាក់វ៉ាក់សាំងកូវីដ-១៩ ម្ជុលទី៣នេះ គឺសម្រាប់ផ្តល់អាទិភាពដល់មន្ត្រី​តាមបណ្តាខេត្តជាប់ព្រំដែន ​ប្រមាណពី៣ ទៅ៤ម៉ឺននាក់ ក្នុងនោះមានដូចជាមន្ត្រីកងពលធំ កងពលតូច វរសេនាតូច រាជអាវុធហត្ថ នគរបាល ពេទ្យជួរមុខ និងមន្ត្រីរាជការស៊ីវិលផ្សេងៗ។ 

 

ការចាក់វ៉ាក់សំាងកូវីដ-១៩ដូសទី៣ សម្រាប់មន្ត្រីតាមបណ្តាព្រំដែននេះ គឺដើម្បីកាត់បន្ថយហានិភ័យនៃការរាលដាលជំងឺកូវីដ-១៩តាមបណ្តាព្រំដែន ជាពិសេសការប្រឈមនឹងមេរោគបំបន្លែងថ្មី ដែលតា។​

 

គិតត្រឹមថ្ងៃទី៩ ខែសីហា ពលរដ្ឋជាង៨,២លាននាក់ហើយដែលបានចាក់វ៉ាក់សាំងបង្ការកូវីដ-១៩ ឬស្មើនឹង៥០,៩៥ភាគរយនៃផែនការចាក់វ៉ាក់សំាងកូវីដ-១៩ប្រជាពលរដ្ឋសរុប១៦លាននាក់។ ក្នុងចំណោមនោះ មានកុមារ និងយុវជន ចំនួនជាង២៧ម៉ឺននាក់ហើយ ដែលបានចាក់វ៉ាក់សាំងកូវីដ-១៩នៅដូសទី១។ នេះបើតាមរបាយការណ៍ដដែល៕