ពីនេះ ពីនោះ
ត្លុក និង ថ្លុក មានន័យខុសគ្នា ប៉ុន្តែនៅតែមានអ្នកសរសេរច្រឡំ
× ពាក្យ «ត្លុក» និង «ថ្លុក» មានន័យខុសគ្នា ប៉ុន្តែមនុស្សមួយចំនួននៅតែសរសេរដោយមិនបានប្រុងប្រយ័ត្ន ដែលធ្វើឲ្យន័យច្របូកច្របល់គ្នា។
តាមវចនានុក្រម សម្តេចព្រះសង្ឃរាជ ជួន ណាត «ត្លុក» មានន័យថា អ្នកកំប្លែង, អ្នកក្រមាច់ក្នុងល្បែងរបាំ ដើម្បីឲ្យគេសើច ។ រាំចាក់ត្លុក រាំក្រមាច់ក្រមើម ។
រីឯ «ថ្លុក» ជា ទីដីក្រហូងដែលដក់ទឹកភ្លៀងក្នុងរដូវវស្សា តែតូចជាងត្រពាំង, ច្រើនកើតដោយសារក្របីដេក, ដោយសារទឹកហូរច្រោះ ឬមានមនុស្សកាប់ដីឲ្យមានជាក្រហូង ។ ថ្លុកជង្ហុក ទីដែលមានក្រហេងក្រហូងខ្លះ មានជង្ហុកខ្លះ ៕
© រក្សាសិទ្ធិដោយ thmeythmey.com