ជាតិ
សង្គមជាតិ
ការដកហូតយានយន្តពីពលរដ្ឋដែលបំពានក្នុងតំបន់ក្រហមនាពេលកន្លងមក។ រូបភាព៖ អធិការដ្ឋាននគបាលក្រុងសៀមរាប
×![]()
ដោយ: សារព័ត៌មានថ្មីៗ
សៀមរាប៖ រដ្ឋបាលខេត្តសៀមរាប បានប្រាប់ទៅប្រជាពលរដ្ឋដែលជាម្ចាស់យានយន្តដែលត្រូវអាជ្ញាធរដកហូត ឬរឹបអូសពីការបំពានតំបន់ក្រហមនាពេលកន្លងមកនោះ ឱ្យទៅយកយានយន្តទាំងនោះវិញ។
ក្រោយពីប្រកាសរំសាយការកំណត់តំបន់ក្រហម តំបន់លឿងទុំ ក្នុងភូមិសាស្ដ្រខេត្តសៀមរាបរួចមក នៅថ្ងៃទី៣០ កញ្ញា នេះ រដ្ឋបាលខេត្ត បានជូនដំណឹងដល់ម្ចាស់យានយន្តដែលភាគច្រើនជាម៉ូតូនោះ ទៅយកយានយន្តទាំងនោះវិញចាប់ពីព្រឹកថ្ងៃទី១ តុលា តទៅ។ អាជ្ញាធរបញ្ជាក់ថា យានយន្តទាំងនោះស្ថិតនៅសួនច្បារព្រះរាជដំណាក់ ឬមុខស្នាក់ការនគរបាលនៅទីនោះ ដោយភ្ជាប់មកជាមួយនូវឯកសារពាក់ព័ន្ធបញ្ជាក់ម្ចាស់កម្មសិទ្ធិទៅជាមួយផង៕
© រក្សាសិទ្ធិដោយ thmeythmey.com
