ជំនួបក្នុងនេះ វត្តមានរបស់ Lionel Messi គឺក្លិប PSG មិនបានដាក់ឈ្មោះគេក្នុងបញ្ជីក្រុម ដែលត្រូវប្រកួតឡើយដោយសារតែ Messi បានរងរបួសសាច់ដុំពេលប្រកួតទល់ជាមួយក្រុម Lille កាលពីថ្ងៃទី៣០ ខែតុលា ដោយលទ្ធផល PSG យកឈ្នះ ២-១។ ចំណែកកីឡាករ៣រូបទៀត ក៏កំពុងស្ថិតក្នុងបញ្ជីឈ្មោះកីឡាកររបួសដែរ នោះមានខ្សែការពារ Sergio Ramos ខ្សែបម្រើ Marcos Verratti និងកីឡាករ Lean Perades។
  

រូបភាព Facebook Page ៖ Paris Saint German

ក្រោយឆ្លងកាត់បីប្រកួតរួចមកនេះក្នុងពូល A នេះ PSG គឺជាក្រុមដែលកំពុងនាំមុខនៅកំពូលតារាង ខណៈក្រុម RB Leipzig នៅមិនទាន់រកបានជ័យជម្នះនៅឡើយ ។ ពួកគេក៏បានចាញ់ក្រុម PSG នាប្រកួតដំបូង ៣-២ ចាញ់ Club Brugge ២-១ និងចាញ់ក្លិប Manchester City ៦-៣។ 

បីប្រកួតមកនេះ ក្រុម RB Leipzig នឹងត្រូវបន្តធ្វើការងារធ្ងន់ ក្នុងការដណ្តើមពិន្ទុ ដើម្បីបន្តដំណើរក្នុងការប្រជែងយកចំណាត់លេខ៣ក្នុងពូល A នេះ សម្រាប់កៅអី Europa League វគ្គ៣២ក្រុម ជាមួយ Club Brugge ដែលមាន៤ពិន្ទុ ឈរលេខ៣ក្នុងពូល។
  

រូបភាព Facebook Page ៖ Paris Saint German

 ក្រឡែកមកមើលការប្រកួតរបស់ក្រុម Liverpool ទទួលក្រុមខ្លាំងមកពីអេស្ប៉ាញគឺ Atletico Madrid ដែលជាជំនួបដ៏កក្រើកនាកីឡដ្ឋាន Anfield របស់ក្រុមហង្សក្រហម។

នាជំនួបជើងទី១ ក្រុមទាំង២បានឆ្លងកាត់ការប្រកួតយ៉ាងស្វិតស្វាញ ដោយក្រុមហង្សក្រហមអាចយកឈ្នះក្រុមរហ័ស្សនាមខ្លាឃ្មុំធំ Atletico Madrid យ៉ាងលំបាក។
 

ការប្រកួតក្នុងរាត្រីនេះ ក្រុមម្ចាស់ផ្ទះ Liverpool ហាក់មានទំនុកចិត្តខ្លាំងជាងក្រុមភ្ញៀវ ដោយឆ្លងកាត់ការប្រកួតជាង ១៥ប្រកួតមកនេះ ពួកគេមិនទាន់ស្គាល់ពាក្យថាចាញ់ឡើយ ខណៈខ្សែប្រយុទ្ធអេហ្ស៊ីប Mohamed Salah កំពុងតែបន្តភាពអស្វារ្យរបស់ខ្លួន ក្នុងការស្វែងរកគ្រាប់បាល់ជាបន្តបន្ទាប់ទាំងក្នុង UCL និង Premier League។ 

ចំណែក Atletico Madrid ៥ប្រកួតចុងក្រោយនេះ ចាញ់តែ១ប្រកួតប៉ុណ្ណោះ ពោលគឺចាញ់ក្រុម Liverpool ដែលជាម្ចាស់ផ្ទះ ដែលត្រូវជួបគ្នានេះ។

ជំនួបក្នុងពូលផ្សេងទៀតដែលត្រូវប្រកួតក្នុងរាត្រីវេលាម៉ោង២(ម៉ោងនៅកម្ពុជា)រំលងអាធ្រាត្រ នេះមាន៖

ពូល A ក្រុមមេឃខៀវ Manchester City ទទួលក្រុម Club Brugge។

ពូល B ក្រុម AC Milan ទទួលក្រុម FC Porto។

ពូល C ក្រុម Borussia Dortmund ទទួលក្រុម Ajax នឹងក្រុម Sporting CP ទទួលក្រុម Basiktas។

ពូល D ក្រុមអធិរាជស Real Madrid ទទួលក្រុម Shakhtar Donetsk នឹងក្រុម FC Sheriff ទទួលក្រុម Inter Milan។