អត្ថបទពាណិជ្ជកម្ម
ក្រុមហ៊ុនស្រាបៀរ ABC រៀបចំយុទ្ធនាការណ៍“ការគាំទ្រដ៏ល្អឯក” ដើម្បីរៃអង្គាសថវិកាចំនួន ១០ម៉ឺនដុល្លារ សម្រាប់មូលនិធិអង្គការ People In Need
15, Nov 2021 , 3:50 pm        
រូបភាព
ដោយ: ថ្មីៗ
 
ក្នុងកិច្ចខិតខំប្រឹងប្រែង ដើម្បីជួយស្ដារឡើងវិញនូវសេដ្ឋកិច្ចកម្ពុជា ក្រុមហ៊ុនស្រាបៀរ ABC អិចស្រ្ដាស្ដោត សហការជាមួយមូលនិធិនៃអង្គការ People In Need (PIN) ដើម្បីចាប់ផ្តើមនូវយុទ្ធនាការ “ការគាំទ្រដ៏ល្អឯក”។ ការផ្ដួចផ្ដើមរួមគ្នានេះ គ្រោងនឹងដំណើរការ ចាប់ពីថ្ងៃទី១៥ ខែ វិច្ឆិកា ដល់ថ្ងៃទី២៤ ខែ ធ្នូ ឆ្នាំ២០២១ ដើម្បីលើកទឹកចិត្តដល់សាធារណជនទាំងអស់ ឱ្យបន្ដអនុវត្តវិធានការសុវត្ថិភាពពីជំងឺកូវីដ-១៩ ព្រោះនេះជាកិច្ចការដ៏សំខាន់ ក្នុងការជួយទប់ស្កាត់ការរីករាលដាល នៃជំងឺដ៏កាចសាហាវនេះ និងចាប់ផ្តើមនូវការស្តារឡើងវិញ នៃសេដ្ឋកិច្ចនៅក្នុងប្រទេស។
 
រាល់ការចុចគាំទ្រនីមួយៗ ក្រុមហ៊ុនស្រាបៀរ ABC អិចស្រ្ដាស្ដោត នឹងបរិច្ចាកថវិកា ១ដុល្លារអាមេរិក ទៅកាន់មូលនិធិនៃអង្គការ People In Need ជាមូលនិធិដ៏គួរឲ្យជឿជាក់បំផុតមួយ មានដើមកំណើតមកពីសាធារណរដ្ឋឆែក ដែលកំពុងប្រតិបត្តិការជាង ៣០ប្រទេស រួមទាំងប្រទេសកម្ពុជាផងដែរ។ មូលនិធិនេះ នឹងជួយគាំទ្រដល់ការបណ្តុះបណ្តាលបច្ចេកទេស និងវិជ្ជាជីវៈ (TVET) របស់ PIN សម្រាប់ប្រជាពលរដ្ឋដែលខ្វះខាត ដោយជួយពួកគេឱ្យប្រើប្រាស់នូវជំនាញ និងចំណេះដឹង ដើម្បីស្វែងរកឱកាសការងារឲ្យកាន់តែប្រសើរឡើង ក៏ដូចជាលើកកម្ពស់កម្រិតជីវភាពរបស់ពួកគេផងដែរ។ ខណៈពេលដែលកំពុងស្វែងរកការងើបឡើងវិញ ពីការធ្លាក់ចុះនៃវិបត្ដិសេដ្ឋកិច្ចនាពេលកន្លងមក មូលនិធិថវិកាពីយុទ្ធនាការនេះ ក៏នឹងផ្ដល់ជូន​ទៅគាំទ្រដល់សហគ្រាសធុនតូច និងមធ្យមផ្សេងៗ (SMEs)​ នៅក្នុងព្រះរាជាណាចក្រកម្ពុជារបស់យើង។
 
លោក Loic de Laubriere នាយកផ្នែកទីផ្សារនៃក្រុមហ៊ុន​ហ៊ិននីគែន ខេមបូឌា បានមានប្រសាសន៍ថា៖ “វាជាឆ្នាំដ៏លំបាកមួយ។ ទោះបីជាស្ថានការណ៍ចាប់ផ្តើមត្រឡប់មកធម្មតាវិញ យើងនៅតែត្រូវបន្តការប្រុងប្រយ័ត្ន ព្រោះថាយើងមិនទាន់រួចផុតពីជំងឺដ៏កាចសាហាវនេះ ទាំងស្រុងនៅឡើយទេ”។ លោកបន្ដថា៖ “អាស្រ័យហេតុនេះ យើងសូមអំពាវនាវដល់សាធារណជនទាំងអស់គ្នា ឱ្យក្លាយជា បុគ្គលល្អឯក ដោយក្រោកឡើងទាំងអស់គ្នា និងចូលរួមការគាំទ្រ ដើម្បីបន្តនូវការអនុវត្តវិធានការសុវត្ថិភាព ពីជំងឺកូវីដ-១៩។ រាល់សកម្មភាពទាំងអស់ក្នុងស្ថានការណ៍នេះ ត្រូវការការយកចិត្តទុកដាក់ជាងពេលណាៗទាំងអស់។ ជាមួយនឹងការគាំទ្រដ៏ងាយស្រួល អ្នកក៏បានកំពុង ជួយដល់ប្រទេសកម្ពុជា និងការងារដ៏ថ្លៃថ្លារបស់មូលនិធិ PIN ដើម្បីជួយដល់ប្រជាជន ដែលកំពុងត្រូវការជំនួយ នេះជាចាំបាច់”។
 
ងាយៗដោយអនុវត្តតាមពីរជំហាន ដើម្បីចូលរួមក្នុងយុទ្ធនាការ និងការគាំទ្រនេះ។ លោកអ្នក គ្រាន់តែចូលទៅកាន់គេហទំព័រផ្លូវការ របស់ក្រុមហ៊ុនស្រាបៀរ ABC អិចស្រ្ដាស្ដោត បន្ទាប់មកចុចលើពាក្យថា “ចុចទីនេះដើម្បីចូលរួម”។ ចំពោះអ្នកដែលបានចុច ការគាំទ្រ​ រួចហើយ អាចចែករំលែកការគាំទ្រនេះ នៅកាន់គណនី Facebook ផ្ទាល់ខ្លួនរបស់អ្នក​ដើម្បី​លើក​ទឹក​ចិត្ត​មិត្តភក្ដិ និង​ក្រុម​គ្រួសារ ​ឱ្យចូលរួមដូច​គ្នាបានផងដែរ។
 
កាលពីពេលថ្មីៗនេះ ក្រុមហ៊ុនស្រាបៀរ ABC អិចស្រ្ដាស្ដោត បានបញ្ចប់នូវកម្មវិធីរបស់ខ្លួនមួយដែលមានឈ្មោះថា “កម្មវិធីបុគ្គលល្អឯក” ដែលបានដំណើរកាលពីខែកញ្ញា ដល់ខែតុលា ដើម្បីចូលរូមអបអរនូវសមិទ្ធផលដ៏អស្ចារ្យជាច្រើន របស់បុគ្គលល្អឯកកម្ពុជាចំនួន ១០រូប។ ជាមួយគ្នានេះយុទ្ធនាការ​ “ការគាំទ្រដ៏ល្អឯក” ក៏ទទួលបានការចូលរួមគាំទ្រ ពីសំណាក់បុគ្គលល្អឯករបស់យើងផងដែរ។ សូមទស្សនាវីដេអូរបស់ លោក Ream Angkor, ​លោក Peap Tarr, លោក Raven Blaze និង កញ្ញា ថូង ធីតា ខណៈពេលដែលពួកគេ បង្ហាញទស្សនិកជនអំពីសារៈសំខាន់ និងរបៀបដ៏ងាយស្រួលនៃការគាំទ្រនេះ។
 
សម្រាប់ព័ត៌មានបន្ថែម សូមតាមដានក្រុមហ៊ុនស្រាបៀរ ABC អិចស្រ្ដាស្ដោតតាមរយៈ៖
 
 
សូមបញ្ជាក់
យុទ្ធនាការ​ "ការគាំទ្រដ៏ល្អឯក" គឺត្រូវបានបង្កើតឡើង ដោយការសហការ រវាងក្រុមហ៊ុនស្រាបៀរ Heineken និងអង្គការ People in Need (PIN) ដើម្បីអនុវត្តវិធានការសុវត្ថិភាព ពីជំងឺកូវីដ-១៩។ ការសហការរួមគ្នានេះ អង្គការ People in Need (PIN) មិនមានការពាក់ព័ន្ធក្នុងការផ្សព្វផ្សាយ អំពីផលិតផលស្រាបៀរនោះទេ។ គោលដៅតែមួយគត់ ក្នុងកិច្ចសហការនេះគឺ ដើម្បីចូលរួមចំណែកក្នុងយុទ្ធនាការ​ "ការគាំទ្រដ៏ល្អឯក" ប៉ុណ្ណោះ៕
(អត្ថបទពាណិជ្ជកម្ម)

© រក្សាសិទ្ធិដោយ thmeythmey.com