Renato Sanchez បានរកគ្រាប់បាល់១គ្រាប់ជាគ្រាប់ក្តីសង្ឃឹមនាំក្រុមព័រទុយហ្គាល់ឡើងទៅ World Cup ដោយស្វ័យប្រវត្តិ។ តែក្តីសង្ឃឹមក៏ត្រូវបានរសាត់ឆ្ងាយទៅវិញដោយកីឡាករ Dusan Tadic ស៊ុតគ្រាប់តាមស្មើនិងកីឡាករ Aleksandar Mitrovic តែតមួយគ្រាប់ចុងម៉ោងដែល​នាំក្រុមស៊ែប៊ីដណ្តើមកៅអី World Cup 2022 ពីព័រទុយហ្គាល់។ ខ្សែប្រយុទ្ធវ័យ ៣៦ឆ្នាំ Ronaldo បានបង្ហាញភាពសោកស្តាយ ប៉ុន្តែ​ព្យាយាម​បង្ហាញទៅ​ក្រុមអ្នកគាំទ្រឲ្យ​បន្តមានជំនឿ​លើ​ក្រុម​សម្រាប់វិថីទៅកាតា។


 

«បាល់ទាត់បង្ហាញយើងពីពេលវេលាម្តងហើយម្តងទៀត ពេលនេះវាគឺជាផ្លូវមួយដ៏លំបាកបំផុតសម្រាប់យើងក្នុងការសម្រេច បាននូវ លទ្ធផលដែលយើងចង់បានបំផុត [World Cup]។» Ronaldo បានសរសេរបែបនេះលើបណ្តាញសង្គម Instagram របស់ខ្លួន។
 

ជាការលើកទឹកចិត្តដល់ក្រុមក៏ដូចជាអ្នកគាំទ្រក្រុមព័រទុយហ្គាល់ផងនោះ Ronaldo នូវតែមានក្តីរំពឹងថា ក្រុមជម្រើសជាតិខ្លួននឹងមានមុខនៅកាតា។ «លទ្ធផលពីម្សិលមិញពិតជាឈឺចាប់ណាស់ ប៉ុន្តែវាមិនអាចឲ្យយើងចុះចាញ់បានឡើយ។ ការងាររបស់យើងគឺត្រូវតែបានបង្ហាញខ្លួនក្នុងព្រឹត្តិការណ៍ World Cup 2022 យើងមានក្តីសង្ឃឹមខ្ពស់។ យើងដឹងថាពួកយើងត្រូវតែទៅទីនោះឲ្យខានតែបាន គ្មានលេសឡើយ ព័រទុយហ្គាល់កំពុងតែធ្វើដំណើរឆ្ពោះទៅកាតាហើយ»។ នេះជាការលើកឡើងរបស់ Ronaldo។


 

គួរបញ្ជាក់ដែរថាសម្រាប់៩ក្រុមដែលត្រូវលេង play-off មាន មានព័រទុយហ្កាល់ ស៊ុយអែត ហ្វាំងឡង់ វេលស៍ ស្កុតឡែន រុស្ស៊ី ម៉ាសេដ្វានខាងជើង ប៉ូឡូញ និងអ៊ីតាលី។ ចំណែកពូល G ដែលនៅសល់១ចុងក្រោយត្រូវកាត់សេចក្តីលើក្រុមចំនួន៣ ដែលរួមមានហូឡង់ តួកគី និងន័រវែស ដែលប្រដេញពិន្ទុគ្នា៕