កីឡាករ Collin Morikawa វ័យ២៤ឆ្នាំបានក្លាយជាកីឡាករសញ្ជាតិអាមេរិកលើកដំបូងដែលអាចឈ្នះពានរង្វាន់អឺរ៉ុប European Tour’s។ Collin បានឈ្នះការប្រជែងពានពីសំណាក់កីឡាករលេខ៣ Matt Fitzpatrick សញ្ជាតិអង់គ្លេសដែលជាកីឡាករការពារតំណែងជើងឯក DPWT Championship នេះខណៈកីឡាករ Alexander Bjork របស់ស៊ុយអែត បានចំណាត់ថ្នាក់លេខ២។ ជាមួយជ័យជម្នះនេះកីឡាករវ័យ ២៤ ឆ្នាំ Morikawa ថា ខ្លួនពិតជាទទួលបានអារម្មណ៍អស្ចារ្យខ្លាំងពីការប្រកួត។
 

«វាពិតជាពិសេសខ្លាំងណាស់សម្រាប់ខ្ញុំ និងជាកិត្តិយសបំផុតដែលបានក្លាយជាកីឡាករសញ្ជាតិអាមេរិកដំបូងដែលបានឈ្នះពានរង្វាន់នេះ ខ្ញុំមានឈ្មោះនៅក្នុងបញ្ជីកីឡាករល្បីៗលំដាប់ពិភពលោកហើយនៅពេលនេះ។ ខ្ញុំតែងប្រាប់ខ្លួនឯងឲ្យផ្តោតអារម្មណ៍លើការប្រកួតគ្រប់ពេល ហើយជាលទ្ធផល»។ Morikawa បានប្រាប់ទៅកាន់ទូរទស្សន៍ Sky Sports។
 

DPWT Championship នេះជាពានរង្វាន់ទីពីរហើយ ក្នុងអាជីពជាកីឡាករវាយកូនហ្គោលលំដាប់ពិភពលោករបស់កីឡាករ Collin Morikawa ដោយពានរង្វាន់ទីមួយរបស់រូបគេបានឈ្នះគឺ WGC-Workday Championship៕