សម្ដេច ហ៊ុន សែន បានប្រកាសបន្តលុបបំបាត់ភាពជ្រុលនិយម របស់មនុស្សមួយចំនួន ដែលប្រឆាំងរដ្ឋាភិបាល ក្រោមហេតុផលការពារសន្តិភាព។ ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការ ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នាព្រឹកថ្ងៃទី២៣ វិច្ឆិកា ប្រមុខរដ្ឋាភិបាល បាននិយាយដូច្នេះថា៖«អ៊ីចឹងទុកឱ្យលេងពួកជ្រុលនិយមនោះ ការពារសន្តិភាពនេះ ។ ហើយពួកជ្រុលនិយមខ្លះ ថា ហ៊ុន សែន ចាស់ហើយ បានខ្ញុំចាស់ ចុះអ្នកឯងអត់ចាស់ទេ? ស្មានតែខ្ញុំចាស់ លោកឯងអត់ចាស់ហ្អេ!...។ ខ្ញុំលេងលោកឯងឱ្យចប់សិន ហើយដើម្បីខ្ញុំត្រួសត្រាយផ្លូវឱ្យក្មេងជំនាន់ក្រោយ»។