ការលើកឡើងរបស់កាសែត Global Times ធ្វើឡើងបន្ទាប់ពីប្រធានាធិបតីអាម៉េរិក ចូ បៃឌិនពិចារណាលើការធ្វើពហិការការទូតនៅអូឡាំពិករដូវរងាក្នុងខែកុម្ភៈ ដើម្បីប្រឆាំងនឹងការធ្វើទុក្ខបុកម្នេញរបស់ចិនលើជនជាតិភាគតិចនៅស៊ីនជាំង។ Global Times ថាអាម៉េរិកធ្វើនេះមិនសក្តិសមចំពោះប្រទេសចិន និងកាន់តែធ្វើឱ្យពិភពលោកគិត​អវិជ្ជមានលើ​ចិនថែមទៀត។
 

«ជម្លោះមនោគមវិជ្ជារវាងចិន និងបស្ចិមប្រទេសនឹងកើនឡើងនៅមុនព្រឹត្តិការណ៍កីឡាអូឡាំ ប៉េកាំងឆ្នាំ ២០២២ ខណៈក្រុមប្រឆាំងចិននឹងព្រួតគ្នាដើម្បីបង្កើតបញ្ហាឱ្យចិន»។ នេះជាការអះអាងរបស់ Global Times។
 

កាសែតគ្រប់គ្រងដោយរដ្ឋចិនមួយនេះបន្ថែមទៀតថា បើទោះបីមានក្រុមបង្កចលាចលយ៉ាងនេះក្តី ប៉ុន្តែព្រឹត្តិការណ៍លំដាប់ពិភពលោកនឹងក្លាយជាការសាកល្បងសមត្ថភាពរបស់ចិនក្នុងការឆ្លើយតបទៅនឹងវិបត្តិផ្សេងៗដែលចិនធ្លាប់បានរងការចោទប្រកាន់ និងជាកត្តាជំរុញប្រទេសចិនក្លាយជាមហាអំណាចដ៏ចាស់ទុំមួយលើលោក៕