កីឡាការិនី Peng Shuai បានបាត់ខ្លួន ៣សប្តាហ៍ ក្រោយពេលនាងបាននិយាយថា មានអតីតមន្រ្តីជាន់ខ្ពស់ចិនលោក Zhang Gaoli មានបំណងបំពានផ្លូវភេទលើរូបនាង។ កាលពីថ្ងៃទី២១ ខែវិច្ឆិកា ប្រធានអូឡាំពិកពិភពលោក Thomas Bach បានទាក់ទងទៅកីឡាការិនីវាយកូនបាល់រូបនេះ ដើម្បីសួរនាំអំពីសុខទុក្ខ និងសុវត្ថិភាពរបស់នាង ប៉ុន្តែនាងបានប្រាប់ថា «មានសុវត្ថិភាព»។ 
 

អ្នកស្រី Sophie Richardson ប្រធានឃ្លាំមើលសិទ្ធិមនុស្ស បាននិយាយថា IOC ខ្វះការវិនិច្ឆ័យលើសំណុំរឿងរបស់ Peng និងបានធ្វើឲ្យមានភាពស្មុគស្មាញក្នុងរឿងនេះ។«គណៈកម្មាធិកាអូឡាំពិកអន្តរជាតិបានបង្ហាញយើងឲ្យឃើញថាប៉ុន្មានថ្ងៃមុននេះពួកគេបានធ្វើឲ្យបាត់បង់តម្លៃនៃសិទ្ធិមនុស្សសម្រាប់ការប្រកួតកីឡាអូឡាំពិករដូវរងារ ២០២២។» លោកស្រី Richardson បានអះអាង។
 

មិនតែប៉ុណ្ណោះអ្នកស្រី Yaqiu Wang ដែលជាអ្នកស្រាវជ្រាវចិនប្រចាំអង្គការសិទ្ធិមនុស្ស បានអះអាងទៀតថា រឿងនេះពិតជាមិនអាចស្រមៃបានទេថា IOC អាចជជែកជាមួយ Peng Shuai បាន ដោយមិនចាំបាច់ឆ្លងកាត់រដ្ឋាភិបាលចិន៕