សម្រាប់​ការប្រកួតក្នុងរាត្រីនេះ PSG ដែលគ្រប់គ្រងដោយគ្រូបង្វឹក Pochettino ហាក់បង្ហាញនូវសាច់ដុំធំ ជាថ្មីម្តងទៀតសម្រាប់ជំនួបតទល់ជាមួយក្រុមម្ចាស់ផ្ទះ Man City។ កាលពីជំនួបជើងទី១ ក្រុមអ្នកមានបារាំង PSG យកឈ្នះលើក្រុម Man City ដោយលទ្ធផល ២-០។ ៥ប្រកួតចុងក្រោយមកនេះ PSG បានយកឈ្នះ ៤ប្រកួត និងស្មើ១ ចំណែក Man City ឈ្នះ៣ប្រកួត និងចាញ់២ប្រកួត។ ក្រុមទាំងពីរធ្លាប់បានជួបគ្នា ៦លើករួចមកហើយដោយ PSG យកឈ្នះបានតែម្តងប៉ុណ្ណោះហើយស្មើ២ និងចាញ់៣ ក្រោមថ្វីជើងក្រុម Man City។

 

ជាមួយគ្នានេះដែរ PSG ក៏នឹងមានវត្តមានខ្សែការពារ Sergio Ramos ដែល​ត្រូវ បង្ហាញខ្លួនជាមួយ ក្រុមលើកដំបូងហើយក៏មិនមាន​បញ្ហាកីឡាករណាមួយនោះដែរ។ លោក Pochettino ក៏បាននិយាយដែរថា៖ «ក្រុមបានត្រៀមខ្លួនរួចជាស្រេចហើយក្នុងការយកជ័យជម្នះលើក្រុមម្ចាស់ផ្ទះជាថ្មីម្តងទៀត ហើយកីឡាករ PSG ក៏បានសន្យាយកឈ្នះប្រកួតឲ្យខានតែបាន»។ PSG គឺពិតជាត្រូវការពិន្ទុយ៉ាងខ្លាំង សម្រាប់ឆ្លងទៅវគ្គបន្តដោយពេលនេះពួកគេមានត្រឹមតែ ៨ពិន្ទុក្រោម Man City មាន៩ពិន្ទុកំពូលតារាង។

 

ឯក្រុម Man City វិញក៏បានត្រៀមខ្លួនចាំទទួលសងសឹកក្រុមភ្ញៀវ PSG វិញដូចគ្នាខណៈខ្សែបម្រើ Phil Foden ថាក្រុមក៏មិនទុកឱកាសឲ្យ PSG ឡើយ។ ប៉ុន្តែក្រុមមេឃខៀវដែលដឹកនាំដោយលោក Pep Guardiola ហាក់មានបញ្ហាធំដោយសារត្រូវអវត្តមានកីឡាករសំខាន់ៗ៣រូបនៅយប់នេះរួមមាន Jack Grealish , Kevin de Bruyne តេស្ត​វិជ្ជមានកូវីដ​-១៩ និង Ferran Torres របួស។

 

ដោយឡែកការប្រកួតដទៃទៀតក្នុងរាត្រីនេះវេលាម៉ោង ៣:០០ ឈានចូលថ្ងៃទី ២៥ ខែវិច្ឆិកា៖

ពូល A -Club Brugge vs RB Leipzig

ពូល B - Atletico Madrid vs AC Milan, Liverpool vs FC Porto

ពូល C - Besiktas vs Ajax, Sporting CP vs Borussia Dortmund

ពូល D -Inter Milan vs Shakhtar Donetsk, FC Sheriff vs Real Madrid៕