កីឡាអន្តរជាតិ
ជាតិ
សម្ដេច ហ៊ុន សែន សង្ឃឹមថា ថ្ងៃណាមួយ Ronaldo នឹងមកកម្ពុជា
× ភ្នំពេញ៖ នាកិច្ចប្រជុំកំពូលអាស៊ី-អឺរ៉ុប លើកទី១៣ នៅថ្ងៃទី២៥ វិច្ឆិកានេះ សម្ដេច ហ៊ុន សែន បានរំឭកឈ្មោះតារាបាល់ទាត់ល្បីនៅលើពិភពលោក Cristiano Ronaldo ខ្សែប្រយុទ្ធសញ្ជាតិព័រទុយហ្គាល់ ដែលកំពុងលេងឱ្យក្លិបបិសាចក្រហម Manchester United។
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ដែលបានចូលរួមកិច្ចប្រជុំមេដឹកនាំអាស៊ី-អឺរ៉ុបនេះ បានស្រង់ប្រសាសន៍នាយករដ្ឋមន្ត្រី មកសរសេរលើហ្វេសប៊ុកដូច្នេះថា៖«តាមរយៈលោកនាយករដ្ឋមន្ត្រី Portugal សម្តេចនាយករដ្ឋមន្ត្រី ហ៊ុនសែន សូមផ្តាំផ្ញើនូវសមានចិត្តរបស់យុវជនកម្ពុជា ទៅតារាបាល់ទាត់ Ronaldo និង សង្ឃឹមថា ថ្ងៃណាមួយ Ronaldo នឹងមកដល់កម្ពុជា ជាមិនខាន »។
បច្ចុប្បន្នខ្សែប្រយុទ្ធសញ្ជាតិព័រទុយហ្គាល់ វ័យ៣៦ឆ្នាំរូបនេះ កំពុងបន្តលេងឱ្យក្រុមMan Utd ក្នុងកិច្ចសន្យា២ឆ្នាំរហូតដល់ឆ្នាំ២០២៣។ ម្ចាស់ពានរង្វាន់ Ballon Do'r ៥សម័យកាលរូបនេះ គឺជាកីឡាករជោគជ័យមួយរូប ដែលបានជួយឱ្យក្លិបដូចជា Man Utd Real Madrid និង Juventus ឈ្នះពាន នៅក្នុងលីគធំៗទាំង៣ នៅអឺរ៉ុបនេះ។
© រក្សាសិទ្ធិដោយ thmeythmey.com