ក្រុម​ការងារ​៦ក្រុម​ត្រូវបាន​បង្កើតឡើង​ក្នុងក្របខណ្ឌ​ក្រសួង​ដែនដី នគរូបនីយកម្ម និងសំណង់ ដើម្បីចុះពិនិត្យ និង​ស្រាវជ្រាវកាទន្ទ្រាន​ដីព្រៃលិចទឹកនៅតំបន់ទន្លេសាប ដោយ​ប្រធានក្រុមសុទ្ធតែជារដ្ឋលេខាធិការក្រសួង។

 

ក្រុមទី១​ដែលទទួលបន្ទុកនៅខេត្ត​កំពង់ឆ្នាំង ដឹកនាំ​ដោយ​លោក ទេព ធន រីឯលោក សួន សុធា អគ្គនាយក​សុរិយោដី និងភូមិសាស្ត្រជាអនុប្រធាន រួមទាំង​សមាជិក​៩​រូប។ ក្រុមទី២ ប្រចាំខេត្តពោធិ៍សាត់ ដឹកនាំដោយ​លោករដ្ឋលេខាធិការ សរ សុវណ្ណ និងលោក អ៊ិត សុត្ថា ជាអនុប្រធាន រួមទាំង​សមាជិក​៨នាក់។

 

នៅខេត្តបាត់ដំបង ដែលជាក្រុមទី៣ មាន​លោករដ្ឋលេខាធិការ ប៉ែន សុផល ជាប្រធាន និង​លោក សោ វណ្ណា ប្រធាននាយកដ្ឋានភូមិសាស្ត្រ ជាអនុប្រធាន អមដោយសមាជិក​៧នាក់។ ក្រុមទាំង​៤ ទទួលបន្ទុក​ខេត្តបន្ទាយមានជ័យ និង​សៀមរាប ដឹកនាំដោយ​លោករដ្ឋលេខាធិការ លាង មុនីរិទ្ធ និងលោក ប៉ាត់ សុក ទីប្រឹក្សាក្រសួងជាអនុប្រធាន រួមទាំងសមាជិក​៤នាក់។

 

 

ក្រុមទី​៥នៅ​ខេត្តកំពង់ធំ មាន​លោករដ្ឋលេខាធិការ ឡៅ ទិព្វសីហា ជាប្រធាន លោកអនុរដ្ឋលេខាធិការ ហ៊ុន ប៊ុនថាន ជាអនុប្រធាន អមដោយសមាជិក​៤នាក់។ ចំណែក​ក្រុមទី៦ ជាអ្នកទទួល​បន្ទុក​សម្របសម្រួល និង​បូក​សរុប ដោយមាន​លោករដ្ឋលេខាធិការ ឡោ ដាវុធ ជាប្រធាន លោក សេង ឡូត អគ្គនាយករដ្ឋបាល ជាអនុប្រធាន និងសមាជិក​៥នាក់។

 

ក្រុមការងារទទួលបន្ទុកតាមខេត្ត មានភារកិច្ច​សហការសម្របសម្រួលជាមួយ​ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន អាជ្ញាធរ​ទន្លេសាប អាជ្ញាធរ​ដែនដី និងអង្គភាពសមត្ថកិច្ចពាក់ព័ន្ធ រីឯក្រុម​ទទួលបន្ទុកសម្របសម្រួល និងបូកសរុប ត្រូវបន្តរាយការណ៍វឌ្ឍនភាព​ជួនថ្នាក់ដឹកនាំក្រសួង។

 

ទាក់ទងនឹងយុទ្ធនាការការពារបឹងទន្លេសាប ក៏ដូចជាការទប់ស្កាត់ការទន្ទ្រាន​ព្រៃលិចទឹកយ៉ាងអាណាធិបតេយ្យ សម្តេចនាយករដ្ឋមន្ត្រី ហ៊ុន​ សែន បាន​ប្រកាសថាគ្មាន​ការអត់ឱននោះឡើយ។ សម្តេច​ឲ្យចាត់​វិធានការបង្ក្រាប ពោលគឺគ្មាន​ពេលអប់រំទៀតនោះទេ​៕