៣គ្រាប់របស់ PSG រកបានដោយកីឡាករខ្សែការពារ Marquinhos ២គ្រាប់នៅនាទីទី៤៥+២ និង៩០+១ ខ្សែបម្រើ Angel Di Maria ១គ្រាប់នៅនាទីទី៧៩។ចំណែក Saint Etienne រកគ្រាប់នាំមុខនៅនាទីទី២៣ ដោយកីឡាករ Denis Bouanga។ តារាឆ្នើមសញ្ជាតិអាហ្សង់ទីន Lionel Messi បញ្ជូនបាល់ឱ្យមិត្តរួមក្រុមស៊ុតបញ្ចូលទីទាំងបីគ្រាប់។ 
 

Sergio Ramos ដែលបង្ហាញខ្លួនក្នុងប្រកួតលើកដំបូងសម្រាប់ PSG បានសរសេរមិត្តរួមក្រុម Messi  មិនដាច់ពីមាត់រហូតនិយាយថា Messi នឹងឈ្នះ Ballon d’Or ឆ្នាំនេះថែមទៀត។
 

«គេគឺជាកីឡាករម្នាក់ដែលល្អ ហើយខ្ញុំគិតថាគេគឺជាកីឡាករម្នាក់ដែលតែងតែបង្កើតអ្វីដែលប្លែកៗខុសពីអ្នកដទែ មិនតែប៉ុណ្ណោះក្រុមរបស់យើងពិតជាមានសំណាងដែលមានកីឡាករឆ្នើមដូចរូបគេ។» Ramos បាននិយាយប្រាប់ទូរទស្សន៍ ESPN ៕