បើតាមការព្យាកររបស់ក្រសួងធនធានទឹក និងឧតុនិយម សប្ដាហ៍ទី១ដើមខែធ្នូ ឆ្នាំ២០២១ កម្ពុជានឹងទទួលឥទ្ធិពលពីទ្រនុងសម្ពាធខ្ពស់ប្រទេសចិនដែលបន្ដរំកិលចុះមកក្រោមជាមួយនិងខ្យល់មូសុងឦសាន។ លក្ខណៈបែបនេះ ធ្វើឱ្យ​បណ្ដាខេត្តនៅតំបន់វាលទំនាបកណ្ដាល អាចមានអាកាសធាតុត្រជាក់បង្គួរ ពី​១៧-១៩អង្សា និងខ្យល់ខុសពីធម្មតា។
 

ជាមួយគ្នានោះ បណ្ដាខេត្តជាប់ជួរភ្នំដងរែក និងខ្ពង់រាបឦសាន នឹង​ចុះត្រជាក់ចន្លោះពី​១៦-១៨ អង្សា។ ដោយ​ឡែក ខេត្តមណ្ឌលគិរី, ខេត្តរតនគិរី, ខេត្តព្រះវិហារ និងខេត្តឧត្តរមានជ័យ សីតុណ្ហភាពអាចចុះដល់១៥ អង្សា។ ចំពោះតំបន់មាត់សមុទ្រវិញ អាចមានអាកាសធាតុត្រជាក់បន្តិចបន្តួច ចន្លោះពី​១៨-២០អង្សា​ និងខ្យល់ខុសធម្មតា។ 
 

ក្រសួងធនធានទឹក និងឧតុនិយម បានអំពាវនាវឱ្យពលរដ្ឋថែរក្សាសុខភាព ក្នុងអំឡុងពេលអាកាសធាតុប្រែប្រួល៕