ក្លិបបិសាចក្រហម Man UTD ទើបតែងតាំងលោក Ralf Rangnick នៅថ្ងៃទី២៩ ខែវិច្ឆិកា ក្នុងនាមជាអ្នកចាត់ការទូទៅបណ្តោះអាសន្នរហូតដល់ចប់រដូវកាលក្រោយពីក្លិបរបស់អង់គ្លេសមួយនេះបានចែកផ្លូវគ្នាជាមួយលោក Solskjaer។ លោក Ralf Rangnick វ័យ៦៣ឆ្នាំ នឹងទទួលបានតួនាទីជាទីប្រឹក្សារបស់ក្លិបរយៈពេល២ឆ្នាំទៀតក្រោយចប់រដូវកាល។
 

«Rangnick ត្រូវបានប្រកាសតែងតាំងជាអ្នកចាត់ការបណ្តោះអាសន្ននាថ្ងៃចន្ទ ប៉ុន្តែខណៈពេលនេះក្លិបកំពុងតែអនុវត្តតាមដំណើរការការធ្វើទិដ្ឋាការការងារ ដូច្នេះលោក Carrick នឹងត្រូវបន្តដឹកនាំក្រុមបន្តទៀតនៅពេលនេះ។» ក្លិប Man Utd សរសេរនៅលើគេហទំព័រផ្លូវការ។
 

២ប្រកួតក្រោមការដឹកនាំរបស់លោក Carrick បិសាចក្រហមបានយកឈ្នះលើក្រុម Villarreal ២-១ និងស្មើ ១-១ ជាមួយក្រុមតោខៀវ Chelsea។ ឆ្លងកាត់១៣ប្រកួតនៃ Premier League បិសាចក្រហមកំពុងតែឈរលេខ ៨ មាន១៨ពិន្ទុ៕