Tiger Wood ធ្លាប់ជាកីឡាករវាយកូនហ្គោលលំដាប់លេខ១ពិភពលោក និងជាម្ចាស់ពានរង្វាន់ធំនៃ PGA Tour ចំនួន១៥ដង បានអវត្តមានពីការប្រកួតកាលពីខែកុម្ភៈមកម្ល៉េះ។ ការអវត្តមានកីឡាករវ័យ ៤៥ឆ្នាំរូបនេះ ដោយសារការរងរបួសជើងស្តាំធ្ងន់ធ្ងរនៅក្នុងគ្រោះថ្នាក់ចរាចរណ៍ដោយរថយន្ត។ 
 

«ខ្ញុំពេញចិត្តទៅប្រកួតនៅ St Andrew វាគ្មានបញ្ហាអ្វីឡើយសម្រាប់ខ្ញុំ ព្រោះថាប្រកួតការវាយកូនហ្គោលជារឿងដែលខ្ញុំចូលចិត្តធ្វើបំផុតក្នុងពិភពលោកនេះ។ ខ្ញុំពិតជាស្រលាញ់ការចូលរួមប្រកួតក្នុងពានរង្វាន់នានា ហើយខ្ញុំសង្ឃឹមថាខ្ញុំអាចត្រលប់ចូលរួមម្តងទៀតបើទោះបីពេលនេះជើងខ្ញុំនៅមានអារម្មណ៍ថាឈឺតិចៗក៏ដោយ។» Wood និយាយប្រាប់សារព័ត៌មាននៅទីលាន Albany Gold Club នាថ្ងៃទី៣០ខែវិច្ឆិកា។
 

មកដល់ពេលនេះ Tiger Wood កំពុងតែសម្លឹងរកការប្រកួតជាលក្ខណៈក្រៅផ្លូវការជា បន្តន្តាប់ ដើម្បីត្រៀមខ្លួនមុនការប្រកួតក្នុងកម្មវិធីពានរង្វាន់ធំៗ ដែលមកដល់នៅក្នុងឆ្នាំ ២០២២៕