Mbappe ខ្សែប្រយុទ្ធក្រុមអ្នកមានបារាំងរូបនេះ កំពុងតែបន្តបង្ហាញ ទេព្យកោសល្យយ៉ាងអស្ចារ្យរបស់គេ នៅលើទីលានប្រកួតជាមួយទម្រង់លេង ដែលមិនងាយផ្លាស់ប្តូរបាន។ ប៉ុន្តែកីឡាករខ្សែប្រយុទ្ធប្រេស៊ីល Neymar ហាក់ធ្លាក់ទម្រង់លេងជាខ្លាំង មិនតែប៉ុណ្ណោះរូបគេក៏កំពុងតែរងរបួសសរសៃកជើង និង Messi ដែលចេញពី Barcelona មកចូលរួមជាមួយ PSG នៅមិនទាន់បង្ហាញភាពខ្លាំងក្លារបស់ខ្លួន ដូចនៅក្លិបចាស់នៅឡើយ។
 

«យើងដឹងច្បាស់ថាពួកយើងគួរតែធ្វើអ្វីម្យ៉ាងឱ្យល្អលើសពីនេះ ហើយយើងត្រូវតែបង្កើតភាពអស្ចារ្យដែលជាក្រុមកីឡាករ៣នាក់ដល់ល្អបំផុតនៅតំបន់ប្រយុទ្ធនាពេលនេះ»។ Mbappe និយាយក្នុងកម្មវិធីសម្ភាសជាមួយអតីតខ្សែប្រយុទ្ធបារាំង Thierry Henry នាថ្ងៃទី៥ ខែវិច្ឆិកា។
 

ក្រុម Paris Saint German គឺជាក្រុមដែលឈរលេខ១ បន្ទាប់ពីឆ្លងកាត់ការប្រកួត១៧សប្តាហ៍ នៅក្នុងតារាងលីគកំពូលបារាំងដោយមាន ៤២ពិន្ទុនាំមុខក្រុមលេខ២ Rennes ដែលមាន៣១ពិន្ទុ។