ក្នុងជំនួប UCL ពូល B នារាត្រីថ្ងៃទី៨ ខែធ្នូនេះ មានក្លិបបី ដែលកំពុងតែប្រជែងគ្នាដណ្តើមកៅអីចំណាត់ថ្នាក់លេខ២ រួមមាន AC Milan និង AT Madrid ជាក្រុមត្រូវការពិន្ទុចាំបាច់ឆ្លងទៅវគ្គជម្រុះ១៦ក្រុម។ FC Porto ដែលកំពុងឈរលេខ២ មាន៥ពិន្ទុបណ្តោះអាសន្ន ដោយការប្រកួតយប់នេះ ពួកគេនឹងត្រូវធ្វើការធ្ងន់ដោយត្រូវការពារកៅអីលេខ២ពីសំណាក់ក្រុម AT Madrid មាន៤ពិន្ទុ កំពុងស្រែកឃ្លានជ័យជម្នះ ៣ពិន្ទុយ៉ាងខ្លាំង។ 

 

ក្លិប AC Milan ក៏ជាក្រុមដែលត្រូវការជ័យជម្នះយ៉ាងខ្លាំងផងដែរ ក្នុងជំនួបជាមួយក្រុមខ្លាំងមកពីអង់គ្លេស Liverpool ដែលមានកៅអីរួចស្រេចនៅវគ្គ១៦ក្រុម។ AC Milan ត្រូវការជ័យជម្នះចាំបាច់ ដើម្បីរើខ្លួនឱ្យរួចផុតពីចំណាត់ថ្នាក់លេខ៣ ក្នុងពូលដោយមាន៤ ពិន្ទុស្មើនឹង AT Madrid នេះ។ ទាំងក្រុម AC Milan, AT Madrid, Porto នារាត្រីនេះជាគួរប្រកួត ដែលគួរឱ្យចាប់អារម្មណ៍ខ្លាំងនៃការប្រកួតជើងចុងក្រោយនៃវគ្គសន្សំពិន្ទុក្នុងពូល B។

 

ងាកទៅកាន់ការប្រកួតក្នុងពូល A ឯណោះវិញ ក្លិប RB Leipzig ឈរលេខ៣ពូល A ទទួល Man City ឈរលេខ១ និង Club Brugge លេខ៤ត្រូវជួបក្រុមដែលឡើងទៅវគ្គ១៦ក្រុម PSG។ ទាំង RB Leipzig និង Club Brugge គឺសុទ្ធសឹងតែត្រូវការតំណែងកៅអីលេខ៣ ដើម្បីទៅប្រកួតនៅក្នុងពានរង្វាន់ UEFA Europa League បន្តទៀត។ ប៉ុន្តែដំណើររបស់ក្លិបទាំងពីនៅយប់នេះហាក់ទទួលរងសម្ពាធយ៉ាងធ្ងន់ធ្ងរ ដោយសារក្រុមទាំងពីរ ត្រូវប្រកួតទល់ក្រុមខ្លាំងមកពីអង់គ្លេស និងបារាំងនេះ។ 

 

នៅការប្រកួតយប់នេះក្រុម RB Leipzig រំពឹងត្រឹមស្មើជាមួយក្រុមមេឃខៀវប៉ុណ្ណោះ ខណៈ Club Brugge ត្រូវការជ័យជម្នះចាំបាច់លើក្រុម PSG ដើម្បីទទួលបានកៅអីលេខ៣ ឱ្យខានតែបាន។
 

ជំនួបពូលផ្សេងៗទៀតក្នុងរាត្រីឈានចូលថ្ងៃទី ៨ នៃពានរង្វាន់ UEFA Champions League វេលាម៉ោង៣:០០។

 

ជំនួបចុងក្រោយពូល C ក្លិប Ajax ទទួលក្លិប Sporting CP និង Borussia Dortmund ទទួល Basiktas។ ពូល D  អធិរាជស Real Madrid ទទួលក្រុមអ៊ីតាលី Inter Milan និង Shakhtar Donetsk ទទួលក្លិប FC Sheriff៕