ក្នុងជំនួបនោះ លោក Paul Kambur មានបំណងវិនិយោគដាំ​ដើមអាកាស្យា និងប្រេងខ្យល់ រួចបង្កើតរោងចក្រកែច្នៃជាផលិតផល សម្រាប់ផ្គត់ផ្គង់ទីផ្សារក្នុងស្រុក និងទីផ្សារអន្តរជាតិ រួមទាំងទីផ្សារអាម៉េរិកផងដែរ។
 

នាយកក្រុមហ៊ុនរូបនេះ ស្នើដល់លោក វេង សាខុន ណែនាំពីដំណើរការនៃការវិនិយោគលើឧស្សាហកម្មព្រៃឈើ ការដាំឈើឡើងវិញ ការកែច្នៃ និងនាំចេញ។ ឆ្លើយតប​សំណើខាងលើ លោក វេង សាខុន បានឱ្យក្រុមហ៊ុនស្វែងរកដៃគូវិនិយោគជាមួយក្រុមហ៊ុន ដែលទទួលបានដីសម្បទានសេដ្ឋកិច្ចពីរាជរដ្ឋាភិបាល។

 

ជាមួយគ្នានេះ ត្រូវវិនិយោគជាមួយក្រុមហ៊ុនក្នុងស្រុក ដើម្បីប្រើប្រាស់ដីឱ្យអស់សក្តានុពល បង្កើនផលិត ភាពផលិតកម្មឧស្សាហកម្មឈើដាំ បង្កើតការងារសម្រាប់ពលរដ្ឋនៅមូលដ្ឋានផ្ទាល់ និងទទួលបានប្រយោជន៍ទាំងរដ្ឋ និងឯកជន។ ទន្ទឹមនឹងនេះ សហការវិនិយោគលើការដាំឈើឡើងវិញ នៅតាមស្ថានីយ៍ផ្សព្វផ្សាយ និងដាំឈើឡើងវិញ ជាមួយរដ្ឋបាលព្រៃឈើ។
 

បើតាមលោក វេង សាខុន រដ្ឋមន្រ្តីក្រសួងកសិកម្ម បច្ចុប្បន្ន ដើមអាកាស្យា និងប្រេងខ្យល់ កំពុងមានតម្រូវការច្រើននៅលើពិភពលោក ស្របពេលរដ្ឋាភិបាលកំពុងបង្កើនការយកចិត្តទុកដាក់លើហេដ្ឋារចនាសម្ព័ន្ធតភ្ជាប់ទៅកាន់ទីផ្សារពិភពលោក៕