កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
ការប្រកួតពានរង្វាន់ Premier League រដូវកាល ២០២១-២២ នៅតែបន្ត បើទោះបីជាវីរុសបំប្លែងខ្លួនថ្មីអូមីក្រុងកើនឡើងកាន់តែខ្លាំងលើកីឡាករ បុគ្គលិកក្តី។ នេះបើតាមការលើកឡើងរបស់ស្ថាប័នគ្រប់គ្រងលីគកីឡាបាល់ទាត់អង់គ្លេស។
មានតែការប្រកួតចំនួន៤ប៉ុណ្ណោះ ក្នុងចំណោម១០គូ ដែលអាចបន្តការប្រកួតតាមការគ្រោងទុកនៅយប់ថ្ងៃទី១៨ ខែធ្នូ ដោយសារការផ្ទុះឡើងនៃជំងឺកូវីដ-១៩។
ក្រោយជំងឺអុកឡុកជាថ្មី ប្រធានលីគ និងតំណាងក្លិបអង់គ្លេសបានបើកកិច្ចប្រជុំបន្ទាន់មួយនៅថ្ងៃទី២១ ខែធ្នូជុំវិញប្រធានបទផ្អាក ឬបន្តការប្រកួត។ ក្រោយពិភាក្សាគ្នាជាច្រើនម៉ោង អ្នកពាក់ព័ន្ធបានសម្រេចបន្តការប្រកួតទៅតាមកាលវិភាគតាមដែលអាចធ្វើទៅបាន។
បើទោះបន្តលីគក្តី ប៉ុន្តែការប្រកួតមួយចំនួនអាចនឹងត្រូវពន្យារផងដែរ ប្រសិនក្នុងចំណោមក្រុមណាមួយមានកីឡាករ ឬសមាជិកបុគ្គលិកច្រើននាក់ឆ្លងកូវីដ-១៩។ ពន្យារ ឬបន្ត ស្ថាប័ន Premier League នឹងបន្តវិនិច្ឆ័យខ្លួនឯង ដោយដោយមើលតាមស្ថានភាពជាក់ស្តែង។
It was confirmed at a #PL club meeting today that while recognising a number of clubs are experiencing COVID-19 outbreaks & challenges, it is the League’s collective intention to continue the current fixture schedule where safely possible
— Premier League (@premierleague) December 20, 2021
Full statement: https://t.co/SWPMbR7cvW pic.twitter.com/odlZWYUN5y
«ក្នុងកិច្ចប្រជុំក្លិបនៃលីគកំពូលអង់គ្លេស ក្លិបភាគច្រើនយល់ស្របតាមការសម្រេចរបស់ Premier League ខណៈពួកគេជួបប្រទះនឹងការផ្ទុះឡើងនៃវីរុសបំប្លែងថ្មីអូមីក្រុង។ Premier League សម្រេសបន្តកាលវិភាគការប្រកួតតាមធម្មតា ដោយធានាសុវត្ថិភាពជាចម្បង»។ នេះជាការបញ្ជាក់របស់ស្ថាប័នគ្រប់គ្រងលីគកំពូលអង់គ្លេស៕
Tag:
Premier League
COVID-19
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 9 ម៉ោង
