Djokovic មិនទាន់សម្រេចចិត្តថា ទៅប្រកួតការពារតំណែងជើងឯក Grand Slam របស់គេនៅឡើយបើទោះបីគណៈកម្មការ​រៀបចំ បានដាក់ឈ្មោះកីឡាករសញ្ជាតិស៊ែប៊ីរូបនេះក្នុងបញ្ជីឈ្មោះកីឡាករក្តី។ កាលខែវិច្ឆិកាកន្លងទៅ អ្នករៀបចំការប្រកួត Australian Open ឆ្នាំ២០២២ ប្រកាសថា កីឡាករត្រូវប្រកួត ព្រមទាំងក្រុមការងារក្នុងការប្រកួតទាំងអស់ ត្រូវចាក់វ៉ាក់សាំងការពារជំងឺកូវីដ-១៩ សិន។
 

លោក Srdjan Djokovic ឪពុករបស់កីឡាករវ័យ៣៤ឆ្នាំរូបនេះធ្លាប់បានលើកឡើងថា ម្ចាស់ជើងឯក Australian Open ៩លើក បដិសេធមិនចូលរួមប្រកួតនៅអូស្រ្តាលីឡើយប្រសិនបើរដ្ឋាភិបាលមិនអនុញ្ញាតលើកលែងការចាក់វ៉ាក់សាំងលើកីឡាករ។»
 

កីឡាករលំដាប់លេខ៣៣ពិភពលោក Dusan Lajovic ត្រូវជំនួសតំណែង Novak Djokovic ក្នុងនាមជាប្រធានក្រុមស៊ែប៊ីសម្រាប់ការប្រកួត ATP Cup ទីក្រុងស៊ីដនី៕