កីឡាករបាល់ទាត់វ័យក្មេងមួយចំនួននៅលីគធំៗ កំពុងទទួលបានការចាប់អារម្មណ៍ខ្លាំងក្នុងពិភពបាល់ទាត់ តាមរយៈទេពកោសល្យលេចធ្លោរបស់ពួកគេ។ របៀបលេងដ៏អស្ចារ្យ បានធ្វើឱ្យពួកគេកើនតម្លៃខ្លួនខ្ពស់ ខណៈអាយុក្រោម២០ឆ្នាំនៅឡើយ។ Ansu Fati ខ្សែប្រយុទ្ធក្រុម Barcelona បានក្លាយជាកីឡាករវ័យក្មេងថ្លៃជាងគេលើលោកនាពេលបច្ចុប្បន្ន តម្លៃ៩០លានដុល្លារអាមេរិក។
បើតាមរបាយការណ៍របស់ Soccerex ដែលជាស្ថាប័នវាយតម្លៃក្នុងវិស័យជំនួញកីឡាបាល់ទាត់ពិភពលោក បានបង្ហាញតម្លៃកីឡាករបាល់ទាត់វ័យក្មេងចាប់ពីអាយុ២០ឆ្នាំចុះចំនួន១០រូបដែលមានតម្លៃខ្លួនខ្ពស់បំផុតលើលោកប្រចាំឆ្នាំ២០២១នេះ។
ចំណោមកីឡាករទាំង១០ ភាគច្រើនជាកីឡាករនៅអឺរ៉ុប និងកំពុងប្រកអាជីពក្នុងលីគកំពូលៗនៅអឺរ៉ុបផងដែរ។
ខាងក្រោមនេះយើងនឹងបង្ហាញលោកអ្នកអំពីកីឡាករវ័យក្មេងក្រោមអាយុ២០ឆ្នាំទាំង១០រូបដែលមានតម្លៃខ្លួនថ្ងៃជាងគេសម្រាប់ឆ្នាំ២០២១៖
១. កីឡាករអេស្ប៉ាញ Ansu Fati របស់ Barcelona (៩០លានដុល្លារ)
២. កីឡាករបារាំង Eduardo Camavinga របស់ Real Madrid (៦៨លានដុល្លារ)
៣. កីឡាករអេស្ប៉ាញ Pedri របស់ Barcelona (៥៦លានដុល្លារ)
៤. កីឡាករអង់គ្លេស Mason Greenwood របស់ Manchester United (៥៦លានដុល្លារ)
៥. កីឡាករអាល្លឺម៉ង់ Florian Wirtz របស់ Bayer Leverkusen (៥១លានដុល្លារ)
៦. កីឡាករអង់គ្លេស Bukayo Saka របស់ Arsenal (៥១លានដុល្លារ)
៧. កីឡារកសញ្ជាតិអាម៉េរិក Giovanni Reyna របស់ Borussia Dortmund (៤៣លានដុល្លារ)
៨. កីឡាករអង់គ្លេស Jude Bellingham របស់ Borussia Dortmund (៣៩លានដុល្លារ)
៩. កីឡាករបារាំង Rayan Cherki របស់ Lyon (២៨លានដុល្លារ)
១០. កីឡាករប្រេស៊ីល Gabriel Veron របស់ Palmeiras (២៨លានដុល្លារ)៕