ក្រៅពី Messi កីឡាករ៣នាក់ទៀតមាន Juan Bernat, Nathan Bitumazala និង Sergio Rico ។ កីឡាករវ័យ៣៤ឆ្នាំរូបនេះ ត្រូវបានក្លិបអ្នកមានបារាំង PSG សម្រេចដាក់រូបគេឱ្យនៅដាច់ដោយឡែកដើម្បីព្យាបាលជំងឺកូវីដ-១៩ ជាមួយកីឡាករ៣រូបផ្សេងទៀត។ 
 

លោក Mauricio Pochettino អ្នកចាត់ការក្រុម PSG បញ្ជាក់ថា Messi កំពុងស្ថិតនៅអាហ្សង់ទីនដើម្បីបានចំណាយពេលសម្រាករដូវរងារ ប៉ុន្តែក្រោយពេលតេស្តវិជ្ជមានកូវីដ-១៩ ។ បើតាមអ្នកចាត់ការរូបនេះ ក្លិប PSG មិនអនុញ្ញាតឱ្យ Messi ធ្វើដំណើរត្រលប់មកបារាំងវិញឡើយរហូតទាល់តែជាពីជំងឺកូវីដ-១៩។
 

«ខ្ញុំមិនអាចប្រាប់ពីពេលវេលាជាក់លាក់ណាមួយពីការធ្វើដំណើរត្រលប់មកវិញរបស់ Messi ឡើយ។» នេះបើតាមលោក Pochettino និយាយក្នុងសន្និសីទកាសែតមុនការប្រកួត។

PSG នឹងត្រូវបន្តការលេងប្រកួត Ligue 1 លើកដំបូងសម្រាប់ឆ្នាំ២០២២ ដោយត្រូវប៉ះក្រុម Lyon នៅថ្ងៃទី៩ខែមករាឆ្នាំ២០២២។ 
 

សម្រាប់ខ្សែប្រយុទ្ធសញ្ជាតិប្រេស៊ីល Neymar វិញរូបគេក៏មិនទាន់អាចចូលរួមជួយក្រុមបាននៅឡើយ ខណៈពេលកំពុងតែសម្រាកព្យាបាលរបួសក្នុងប្រទេសប្រេស៊ីល៕