ជំនួបក្រុមតោខៀវ Chelsea ទល់ក្រុមហង្សក្រហម Liverpool មិនមានវត្តមាន ខ្សែប្រយុទ្ធវ័យ២៩ឆ្នាំសញ្ជាតិបែលហ្ស៊ិកឡើយ។ មុនគ្មានឈ្មោះនេះ Lukaku និយាយក្នុងកិច្ចសម្ភាសជាមួយទូរទស្សន៍ Sky Italia ថា រូបគេមិនសប្បាយចិត្តស្នាក់នៅ Stamford Bridge ឡើយ។
 

«រឿងនេះកំពុងតែរីកធំឡើងហើយ វាពិតជាផ្តល់ការរំខានខ្លាំងដល់ខ្ញុំអំឡុងពេលប្រកួត។ ខ្ញុំបានសម្រេចចិត្តជ្រើសយកការត្រៀមខ្លួនសម្រាប់ការប្រកួតក្រោយៗទៀត ដូច្នេះទើបរូបគេគ្មានឈ្មោះបែបនេះ។» លោក Tuchel និយាយបែបនេះក្នុងសន្និសីទកាសែតក្រោយចប់ការប្រកួតទល់ Liverpool។
 

មិនតែប៉ុណ្ណោះ ទាក់ទងដំណោះស្រាយលើបញ្ហាជាមួយ Lukaku លោក Tuchel អះអាងថា លោកជួបជាមួយកីឡាករជាច្រើនដង និងជជែកពីការប្រកួតខាងមុខៗ។ លោកបន្តថា ក្នុងគំនិតរបស់លោក Lukaku និយាយប្រាប់ Sky Italia ក៏ព្រោះគេគ្មានឈ្មោះក្នុងក្រុមពេលប្រកួត។
 

Chelsea ព្រមទាំង ​Liverpool កំពុងបន្តខាតបង់ពិន្ទុក្រោយពេលក្រុមទាំងពីរប្រកួតតទល់គ្នាបានត្រឹមស្មើក្នុងលទ្ធផល ២-២ ខណៈក្រុមទាំងពីរមានគម្លាតពិន្ទុក្រោមក្រុមកំពូលតារាង Manchester City រហូតដល់ទៅ១០ពិន្ទុ។